URBAN BANK : సహకార వారోత్సవాల క్రికెట్‌ పోటీలు
ABN , Publish Date - Nov 17 , 2024 | 11:52 PM
స్థానిక అనంత క్రీడాగ్రామం ఆర్డీటీ స్టేడియంలో ఆదివారం 71వ అఖిల భారత సహకార వారోత్సవాల సందర్భంగా అర్బన బ్యాంకు ఆధ్వర్యంలో క్రికెట్‌ పోటీలు నిర్వహించారు. అర్బన బ్యాంకు చైర్మన జేఎల్‌ మురళీధర్‌ నాయకత్వంలోని జట్టు మొదట బ్యాటింగ్‌ చేయగా.... 15 ఓవర్లలో 7వికెట్లు కోల్పోయి 75 పరుగులు చేశారు.
అనంతపురం క్లాక్‌టవర్‌, నవంబరు 17 (ఆంధ్రజ్యోతి): స్థానిక అనంత క్రీడాగ్రామం ఆర్డీటీ స్టేడియంలో ఆదివారం 71వ అఖిల భారత సహకార వారోత్సవాల సందర్భంగా అర్బన బ్యాంకు ఆధ్వర్యంలో క్రికెట్‌ పోటీలు నిర్వహించారు. అర్బన బ్యాంకు చైర్మన జేఎల్‌ మురళీధర్‌ నాయకత్వంలోని జట్టు మొదట బ్యాటింగ్‌ చేయగా.... 15 ఓవర్లలో 7వికెట్లు కోల్పోయి 75 పరుగులు చేశారు. బ్యాంకు మేనేజర్‌ సతీష్‌ నాయకత్వంలోని స్టాఫ్‌ జట్టు 13 ఓవర్లలో 5 వికెట్ల నష్టపోయి లక్ష్యాన్ని ఛేదించారు. విజేతలకు చైర్మన జేఎల్‌ మురళీధర్‌, సీఈఓ విజయభాస్కర్‌ చేతుల మీదుగా బహుమతులు ప్రదానం చేశారు. ఇదే స్పూర్తితో సహకార అర్బన బ్యాంకు అభివృద్ధికి, ప్రజ లకు మెరుగైన సేవలు అందించేందుకు కృషి చేస్తామని చైర్మన తెలిపారు. అర్బన బ్యాంకు పాలకవర్గసభ్యులు, ఉద్యోగులు తదితరులు పాల్గొన్నారు.
మరిన్ని అనంతపురం వార్తల కోసం....
