MLA SUNITHA: పార్టీ ఉంటేనే.. మనం ఉన్నాం..

అనంతపురంరూరల్‌, అక్టోబరు 26 (ఆంధ్రజ్యోతి): పార్టీ ఉంటేనే మనం ఉన్నామని,నేను ఎమ్మెల్యేగా గెలిచినా, మీకు గ్రామాల్లో నాయకులుగా గుర్తింపు ఉన్నా, అది పార్టీ వల్లనేనని ఎమ్మెల్యే పరిటాల సునీత అన్నారు. శనివారం అనంతపురం క్యాంపు కార్యాలయంలో పార్టీ సభ్యత్వ నమోదు కార్యక్రమాన్ని ఆమె ప్రారంభించారు. కార్యక్రమానికి సత్యసాయి జిల్లా టీడీపీ అధ్యక్షుడు అంజనప్ప, నియోజకవర్గ కన్వీనర్లు, క్లస్టర్‌ ఇనచార్జ్‌ ముఖ్యనాయకులు హాజరయ్యారు. ముఖ్యనాయకులతోపాటు ఎమ్మెల్యే పరిటాల సునీత, పార్టీ జిల్లా అధ్యక్షులు అంజనప్ప సభ్యత్వ రెన్యువల్‌ చేసుకున్నారు. ఎమ్మెల్యే మట్లాడుతూ ఈఏడాది 80వేలు మంది సభ్యత్వ నమోదు తీసుకునేలా చూడాలన్నారు. 2022-24సంవత్సరంలో సభ్యత్వం తీసుకొని మరణించిన 10మందికి ఒక్కొక్కరికి రూ.2లక్షలు చొప్పున వారి కుటుంబ సభ్యుల బ్యాంక్‌ అకౌంట్‌కి జమ చేశామని చూపుతూ సభ్యత్వ కార్డుల సమస్య కూడా లేకుండా చర్యలు తీసుకుంటామని అధినేత చంద్రబాబు హామీ ఇచ్చారని ఆమె తెలిపారు.