Tirumala: తిరుమలకు వెళ్లాలనుకునే భక్తులకు గుడ్ న్యూస్..
ABN , Publish Date - Jan 24 , 2024 | 07:45 AM
తిరుమలకు వెళ్లాలనుకునే భక్తులకు టీటీడీ గుడ్ న్యూస్ చెప్పింది. ఏప్రిల్ నెలకు సంబంధించిన రూ.300 ప్రత్యేక దర్శన కోటాను నేడు విడుదల చేయనుంది. అలాగే మధ్యాహ్నం 3 గంటలకు తిరుమల, తిరుపతిలో గదుల కోటాను సైతం విడుదల చేయనున్నట్టు వెల్లడించింది.
తిరుమల: తిరుమలకు వెళ్లాలనుకునే భక్తులకు టీటీడీ గుడ్ న్యూస్ చెప్పింది. ఏప్రిల్ నెలకు సంబంధించిన రూ.300 ప్రత్యేక దర్శన కోటాను నేడు విడుదల చేయనుంది. అలాగే మధ్యాహ్నం 3 గంటలకు తిరుమల, తిరుపతిలో గదుల కోటాను సైతం విడుదల చేయనున్నట్టు వెల్లడించింది. వాటితో పాటు అంగ ప్రదక్షిణ టికెట్లు కూడా అందుబాటులో ఉంచుతున్నట్లు తెలిపింది.
ఈ రోజు ఉదయం 11 గంటలకు శ్రీవాణి దర్శన టికెట్లు, మధ్యాహ్నం 3 గంటలకు వయోవృద్ధులు, దివ్యాంగుల దర్శన టికెట్లను టీటీడీ విడుదల చేయనుంది. అలాగే పలు సేవలకు సంబంధించిన కోటాను సైతం నేడు అందుబాటులో ఉంచనుంది. నవనీత సేవ కోటాను మధ్యాహ్నం 12 గంటలకు, పరకామణి సేవ కోటాను మధ్యాహ్నం 1 గంటకు విడుదల చేయనుంది. భక్తులు ttdevasthanams.ap.gov.in వెబ్‌సైట్‌లో టికెట్లను బుక్‌ చేసుకోవాలని టీటీడీ సూచించింది.
