CM Chandrababu: ఆర్థిక మంత్రితో చంద్రబాబు భేటి లేనట్టేనా?
ABN , Publish Date - Jul 17 , 2024 | 07:56 AM
ఏపీ ముఖ్యమంత్రి చంద్రబాబు నాయుడు ఢిల్లీలో పర్యటిస్తున్నారు. నిన్న సాయంత్రం హస్తినకు వెళ్లిన ఆయన కేంద్ర హోం మంత్రి అమిత్ షాతో బేటీ అయ్యారు. ఏపీ ఆర్థిక పరిస్థితిని వివరించారు.
ఢిల్లీ: ఏపీ ముఖ్యమంత్రి చంద్రబాబు నాయుడు (CM Chandrababu) ఢిల్లీలో పర్యటిస్తున్నారు. నిన్న సాయంత్రం హస్తినకు వెళ్లిన ఆయన కేంద్ర హోం మంత్రి అమిత్ షా (Amit Shah)తో బేటీ అయ్యారు. ఏపీ ఆర్థిక పరిస్థితిని వివరించారు. ఇవాళ ఉదయం 10.30 గంటలకు ఢిల్లీ నుంచి చంద్రబాబు విజయవాడ బయలుదేరనున్నారు. 9.30 గంటలకు చంద్రబాబు అధికారిక నివాసం 1. జనపథ్ లో జరగనున్న పూజలో పాల్కొననున్నారు. అయితే ఆర్థిక మంత్రి నిర్మలతో భేటీ అవుతారని నిన్న వార్తలు వచ్చాయి. అయితే అధికారులు మాత్రం నిర్మలతో భేటీ లేదని అంటున్నారు.
కేంద్ర బడ్జెట్‌లో రాష్ట్రానికి సంబంధించి పొందుపరచాల్సిన అంశాలతో పాటు తక్షణం అవసరమైన నిధులు, మంజూరు చేయాల్సిన ప్రాజెక్టుల గురించి అమిత్ షాతో చంద్రబాబు ప్రస్తావించినట్లు సమాచారం. రాష్ట్ర దుర్భర ఆర్థిక పరిస్థితి, గత ఐదేళ్లలో జగన్‌ ప్రభుత్వ నిర్ణయాలతో పరిస్థితులు ఎంత దిగజారాయో వివరించారు. జగన్‌ పాలనలో ఆర్థిక అసమర్థత, ఆర్థిక నిర్వహణలో తీవ్ర వైఫల్యం, విచ్చలవిడి అవినీతి వల్ల రాష్ట్రానికి ఎనలేని నష్టం జరిగిందని అమిత్ షాకు చెప్పినట్లు ఆ తర్వాత చంద్రబాబు విలేకరులకు తెలిపారు. ఎన్డీయేకి ప్రజలు ఇచ్చిన తీర్పును గౌరవిస్తూ రాష్ట్ర ఆర్థిక వ్యవస్థను తిరిగి గాడినపెట్టేందుకు, ఎకానమీ కోలుకునేందుకు కేంద్ర, రాష్ట్ర ప్రభుత్వాలు సమగ్ర ప్రణాళికను రూపొందిస్తాయని చెప్పారు.
MLC Kavitha: ఎమ్మెల్సీ కవిత ఆరోగ్యంపై వైద్యుల కీలక ప్రకటన
Read more AP News and Telugu News
