పవన్‌ ప్రాయశ్చిత్త దీక్షకు సంఘీభావం

జగ్గంపేట, సెప్టెంబరు 25: తిరుపతి లడ్డూ ప్రసాదంలో జరిగిన అపవిత్రానికి డిప్యూటీ సీఎం పవన్‌కల్యాణ్‌ చేపట్టిన ప్రాయశ్చిత్త దీక్షకు సంఘీభావంగా జగ్గంపేట వేంకటేశ్వర ఆలయంలో నియోజకవర్గ ఇ న్‌చార్జి తుమ్మలపల్లి రమేష్‌ ఉదయం 11 నుంచి సాయంత్రం 4గంటల వరకు సంఘీభావం దీక్ష చేశారు. తుమ్మలపల్లి ఆధ్వర్యంలో వేంకటేశ్వర స్వా మి ఆలయంలో 108 కొబ్బరికాయలు కొట్టి,లలితా పారాయణం పాటించి ప్రత్యేక పూజలు నిర్వహించారు. ఆయన మాట్లాడుతూ లడ్డూ అపవిత్రం చేసిన అప్పటి వైసీపీ ప్రభుత్వంపై పూర్తిస్థాయిలో దర్యాప్తు చేసి కఠిన చర్యలు తీసుకోవాలని కోరారు. కార్యక్రమంలో సూరంపాలెం బాలు, కుంచే కోటి, ఉలిసి ఐరాజు, మాదారపు వీరబాబు, మరిసే రామకృష్ణ, తామరాడ ఎంపీటీసీ గోకేడ రాజా, రామవరం ఎంపీటీసీ దొడ్ల శ్రీను, మొగిలి గంగాధర్‌, గండేపల్లి దీపు, రామ్‌ రెడ్డి, సింహాద్రిపురం బాబ్జి, గంధం శ్రీను, నాగు పాల్గొన్నారు. జగ్గంపేటలోని వేంకటేశ్వర స్వా మి ఆలయంలో టీడీపీ నాయకులు వేములకొండ జోగారావు ఆధ్వర్యంలో 108 కొబ్బరికాయలు కొట్టా రు. టీడీపీ రాష్ట్ర కార్యదర్శి ఎస్వీఎస్‌ అప్పలరాజు, టీడీపీ జగ్గంపేట మండలాధ్యక్షులు మారిశెట్టి భద్రం, జేవీ ఆర్‌ గ్రూప్స్‌ అధినేత జైలు మణిబాబు, కొత్త కొండబాబు, టీడీపీ నాయకులు చెలికాని హరిగోపాల్‌, వైభోగుల కొండబాబు తదితరులు ఉన్నారు.

జగ్గంపేట రూరల్‌: ఇర్రిపాక భూదేవి శ్రీదేవి సమేత ప్రసన్న వేంకటేశ్వర స్వామి ఆలయంలో ఎమ్మెల్యే జ్యోతుల నెహ్రూ దంపతులు ప్రత్యేక పూజ లు నిర్వహించారు. నెహ్రూ మాట్లాడుతూ తిరుమల లడ్డూను వైసీపీ అపవిత్రం చేసినందుకు నియోజకవర్గంలోని అన్ని వేంకటేశ్వర స్వామి ఆలయాల్లో ప్రత్యేక పూజలు నిర్వహించి ఆలయాలు శుద్ధి చేస్తున్నామన్నారు. కార్యక్రమంలో బస్వా చినబాబు, పంతం సత్యనారాయణ, జ్యోతతుల సత్యమూర్తి, దొడ్డిపట్ల బుజ్జి, సోమవరం వీర్రాజు, అడపా తాతాజీ, కంద సత్యానందం, కోనేటి వెంకటేశ్వరరావు పాల్గొన్నారు. కాట్రావులపల్లిలో గ్రామ టీడీపీ అధ్యక్షులు ముసిరెడ్డి నాగేశ్వరరావు ఆధ్వర్యంలో శ్రీదేవి భూదేవి సమేత వేంకటేశ్వరస్వామి ఆలయంలో 108 కొబ్బరికాయలు కొట్టి మోకాళ్లపై ప్రాయశ్చిత్త దీక్ష చేశారు. కూటమి గ్రామ జనసేన అధ్యక్షులు సుంకర శ్రీనివాస్‌, యేలేటి బాబి, సుంకర సీతారామయ్య, కంటే రామారావు, వెన్న వీరబాబు తదితరులు పాల్గొన్నారు.