Chandrababu: పద్మవ్యూహంలో బెజవాడ.. పరదాలు కట్టొద్దంటూ పట్టించుకోని అధికారులు

అమరావతి: పోలీసుల అష్ట దిగబంధనంలో బెజవాడ నగరం ఉంది. ప్రమాణ స్వీకారం పేరుతో పోలీసులు అత్యుత్సాహం ప్రదర్శిస్తున్నారు. పాస్‌లు ఉన్న వారిని సైతం కనకదుర్గమ్మ వారధి వద్దనే పోలీసులు ఆపేస్తున్నారు. పోలీసుల తీరుపై ప్రజలు తీవ్ర అసహనం వ్యక్తం చేస్తున్నారు. కనకదుర్గమ్మ వారధి దగ్గర నుంచి హనుమాన్ జంక్షన్ వరకు ఎటువంటి వాహనాలు అనుమతించడంతో ట్రాఫిక్ కష్టాలు తప్పడం లేదు. పరదాలు కట్టొద్దంటూ చంద్రబాబు చెప్పినప్పటికీ ఆయన మాటను అధికారులు పెడచెవిన పెడుతున్నారు. విజయవాడ నగరంలో దారి పొడుగునా అధికారులు పరదాలు కట్టారు. అధికారుల మధ్య సమన్వయ లోపం కారణంగానే ప్రజలు ఇబ్బందులు పడుతున్నారు. బెజవాడ నగరం పోలీసులు ఏర్పాటు చేసిన పద్మవ్యూహంలో ఉంది. ఎటు వెళ్లాలో తెలియక వాహనదారులు అయోమయ స్థితిలో పడుతున్నారు.