దేవుడి జోలికొస్తే సర్వనాశనమవుతారు: మంత్రి లోకేశ్‌
ABN , Publish Date - Sep 20 , 2024 | 04:19 AM
‘శ్రీవేంకటేశ్వర స్వామి జోలికొస్తే సర్వనాశనమవుతారని గతంలోనే చెప్పా.. మళ్లీ చెబుతున్నా’ అని మంత్రి నారా లోకేశ్‌ అన్నారు.
తిరుపతి, సెప్టెంబరు 19(ఆంధ్రజ్యోతి): ‘శ్రీవేంకటేశ్వర స్వామి జోలికొస్తే సర్వనాశనమవుతారని గతంలోనే చెప్పా.. మళ్లీ చెబుతున్నా’ అని మంత్రి నారా లోకేశ్‌ అన్నారు. శ్రీవారి లడ్డూ ప్రసాదంలో జంతువుల కొవ్వు అవశేషాలు ఉన్నాయని ల్యాబ్‌ పరీక్షల్లో నిర్ధారణ అయిందని చెప్పారు. ఈవోగా ధర్మారెడ్డి వచ్చాకే నెయ్యి గోల్‌మాల్‌ జరిగిందని దుయ్యబట్టారు. అనంతరం ఆయన రోడ్డు మార్గాన చిత్తూరు జిల్లా బంగారుపాళ్యానికి బయలుదేరి వెళ్లారు. యువగళం పాదయాత్ర సందర్భంగా 100వ కిలోమీటరు వద్ద డయాలసిస్‌ ఏర్పాటుకు హామీ ఇస్తూ శిలాఫలకం ఆవిష్కరించారు. అక్కడ శుక్రవారం డయాలసిస్‌ సెంటర్‌ను ప్రారంభించి.. ప్రజా వేదిక కార్యక్రమంలో లోకేశ్‌ పాల్గొననున్నారు.
