పోలీసులు వేఽధిస్తున్నారంటూ ఫిర్యాదు

కడప (క్రైం), అక్టోబరు 7: తన తండ్రిని విచారణ పేరుతో టూటౌన పోలీసులు వేధిస్తున్నారని కడప శంకరాపురానికి చెందిన గంజికుంట సురేశకుమార్‌రెడ్డి సోమవారం ఎస్పీ హర్షవర్ధన రాజుకు ప్రజా సమస్యల పరిష్కార వేదికలో ఫిర్యాదు చేశారు. బాధితుడి కథనం మేరకు.. శంకరాపురంలో తన తండ్రి రఘురామిరెడ్డి కిరాణా షాపు నిర్వహిస్తున్నాడన్నారు. గతంలో తినుబండారాలు సప్లై చేస్తున్న హరి అనే వ్యక్తి తన తండ్రి వద్దకు వచ్చి 90 కిలోల వక్కలు ఉన్నాయంటూ రూ.45 వేలకు అమ్మాడన్నారు. తమకు వ్యాపారం జరగకపోవడంతో తెలిసిన వ్యాపారులకు ఆ వక్కలను తక్కువ ధరకు అమ్ముకున్నామన్నారు.అయితే వేరే వ్యక్తి తమ వక్కలు పోయాయంటూ టూటౌన పోలీస్‌స్టేషనలో ఫిర్యాదు చేశాడన్నారు. దీంతో పోలీసులు తమను పిలిచి డబ్బు కట్టాలంటూ వేధిస్తున్నారన్నారు. తాము వాటిని కొనుక్కున్నామని, తమకు వక్కలు అమ్మిన వ్యక్తిని విచారించాలని తన తండ్రిని వేధించవద్దని ఎస్పీకి రాతపూర్వకంగా ఫిర్యాదు చేశారు.