మహానందీశ్వరుడి ఆదాయం రూ.35 లక్షలు
ABN , Publish Date - Sep 11 , 2024 | 12:11 AM
భక్తులు సమర్పించిన కానుకల ద్వారా మహానంది దేవస్థానానికి రూ.35,20,076 ఆదాయం వచ్చినట్లు ఆలయ ఈవో శ్రీనివాసరెడ్డి తెలిపారు.
మహానంది, సెప్టెంబరు 10: భక్తులు సమర్పించిన కానుకల ద్వారా మహానంది దేవస్థానానికి రూ.35,20,076 ఆదాయం వచ్చినట్లు ఆలయ ఈవో శ్రీనివాసరెడ్డి తెలిపారు. మంగళవారం మహానంది క్షేత్రంలోని కామేశ్వరీ దేవి సహిత మహానందీశ్వర స్వామి ఆలయంలోని హుండీలను ఉద్యోగులు, భక్తులు, సేవకుల ఆధ్వర్యంలో లెక్కింపు చేశారు. మహానంది క్షేత్రంలోని ఉభయ దేవాలయాల హుండీల ద్వారా ఈ ఆదాయం వచ్చినట్లు ఈవో తెలిపారు. 49 రోజులకు గానూ ఈ ఆదాయం వచ్చినట్లు చెప్పారు. ఆలయ సిబ్బంది పాల్గొన్నారు.
