కొత్తూరులో ఎమ్మెల్యే గౌరు దంపతుల పూజలు
ABN , Publish Date - Nov 04 , 2024 | 12:14 AM
మండలంలోని కొత్తూరు సుబ్రహ్మణ్యేశ్వరస్వామి ఆలయంలో ఆదివారం పాణ్యం ఎమ్మెల్యే గౌరుచరిత, గౌరు వెంకటరెడ్డి దంపతులు ప్రత్యేక పూజలు నిర్వహించారు.
పాణ్యం, నవంబరు 3(ఆంధ్రజ్యోతి): మండలంలోని కొత్తూరు సుబ్రహ్మణ్యేశ్వరస్వామి ఆలయంలో ఆదివారం పాణ్యం ఎమ్మెల్యే గౌరుచరిత, గౌరు వెంకటరెడ్డి దంపతులు ప్రత్యేక పూజలు నిర్వహించారు. కార్తీక మాసం సందర్భంగా వారు స్వామికి ప్రత్యేక అభిషేకాలు, అర్చనలు నిర్వహించారు. ఈవో రామకృష్ణ ఎమ్మెల్యే దంపతులకు స్వాగతం పలికారు. ఆలయంలోని శివాలయంలో ప్రత్యేక పూజలు నిర్వహించారు. అనంతరం ఆలయ సిబ్బంది ఎమ్మెల్యే దంపతులను ఘనంగా సత్కరించి తీర్థప్రసాదాలు అందజేశారు. ఆలయ సిబ్బంది సుబ్బారెడ్డి, లక్షినారాయణ, నాగేశ్వరరావు, అర్చకులు వీరయ్యస్వామి, నారాయణ స్వామి, సురేష్‌శర్మ, కిట్టయ్య, రోహిత్‌ శర్మ, టీడీపీ మండల కన్వీనర్‌ గణపం జయరామిరెడ్డి, జిల్లా ప్రధాన కార్యదర్శి రమణమూర్తి, మిలిటరీ సుబ్బారెడ్డి, శ్రీనివాసరెడ్డి, కార్యకర్తలు పాల్గొన్నారు.
