Nagarjuna University : ఏపీ లా సెట్‌ 2024 ఫలితాలు విడుదల
ABN , Publish Date - Jun 28 , 2024 | 06:02 AM
ఏపీ ఉన్నత విద్యామండలి పర్యవేక్షణలో ఈ నెల 9న జరిగిన ఏపీ లా సెట్‌, ఏపీ పీజీఎల్‌ సెట్‌-2024 ఫలితాలను ఆచార్య నాగార్జున విశ్వవిద్యాలయంలో వర్సిటీ వీసీ ఆచార్య రాజశేఖర్‌ గురువారం విడుదల చేశారు
పెదకాకాని, జూన్‌ 27: ఏపీ ఉన్నత విద్యామండలి పర్యవేక్షణలో ఈ నెల 9న జరిగిన ఏపీ లా సెట్‌, ఏపీ పీజీఎల్‌ సెట్‌-2024 ఫలితాలను ఆచార్య నాగార్జున విశ్వవిద్యాలయంలో వర్సిటీ వీసీ ఆచార్య రాజశేఖర్‌ గురువారం విడుదల చేశారు. ఏపీ లా సెట్‌ కన్వీనర్‌ ఆచార్య బి.సత్యనారాయణ ఫలితాల వివరాలను ప్రకటించారు. 19,224 అభ్యర్థులు పరీక్ష రాయగా వారిలో 17,117 మంది 89.04 శాతం ఉత్తీర్ణత సాధించారు. ఇందులో రెండేళ్ల పీజీ కోర్స్‌లో 99.51 శాతం, మూడేళ్ల ఎల్‌.ఎల్‌.బి కోర్స్‌లో 89.74 శాతం, ఐదేళ్ల ఎల్‌.ఎల్‌.బి కోర్స్‌లో 80.06 శాతం ఉతీర్ణత సాధించారు.
