Vizag: పండుగ పూట బంపర్ ఆఫర్.. కోడి, మద్యం పంపిణీ..

సంక్రాంతి పండుగ అంటేనే.. రంగురంగుల ముగ్గులు, ఆత్మీయుల పలకరింపులు, కోడిపందేలు.. అందుకే పట్నంలో ఉన్నవాళ్లందరూ పండుగ సమయంలో పల్లెకు పయనమవుతారు. ఇదే అదనుగా భావించిన విశాఖ దక్షిణ ఎమ్మెల్యే వాసుపల్లి.. కార్యకర్తలకు బంపర్ ఆఫర్ ప్రకటించారు. కోడి, మద్యం పంపిణీ చేశారు. సొంత కాలేజీలోనే కార్యకర్తలకు టోకెన్లు ఇచ్చి మరీ పంపిణీని పూర్తి చేశారు. విషయం తెలుసుకున్న పోలీసులు కాలేజీకి వెళ్లి చూడగా అప్పటికే తలుపులు మూసివేసి పంపిణీ నిలిపివేశారు. సుమారుగా 400 మంది వరకు పంపిణీ చేసినట్లు తెలుస్తోంది. రెండు బాటిళ్ల కన్నా ఎక్కువ ఉంటేనే కేసులు నమోదు చేసే పోలీసులు.. ఇన్ని బాటిల్స్ తెచ్చిన ఎమ్మెల్యే వై ఏ చర్యలు తీసుకుంటారోనని పలువురు ప్రశ్నిస్తున్నారు.