Bookmyshow: బుక్‌మైషో కంపెనీ ఓనర్లకు ముంబై పోలీసుల షాక్..

ప్రముఖ ఆన్‌లైన్ టిక్కెట్ల బుకింగ్ ప్లాట్‌ఫాం బుక్ మైషో(Bookmyshow) ప్రస్తుతం వివాదాల్లో చిక్కుకుంది. కోల్డ్‌ప్లే మ్యూజిక్ ఈవెంట్‌కు సంబంధించిన టిక్కెట్‌ల బ్లాక్ మార్కెటింగ్ ఫిర్యాదుపై EOW విచారణ ప్రారంభించింది. ఈ క్రమంలో బుక్‌మైషో మాతృ సంస్థ బిగ్ ట్రీ ఎంటర్‌టైన్‌మెంట్ ప్రైవేట్ లిమిటెడ్ CEO, కంపెనీ టెక్నికల్ హెడ్ ఆశిష్ హేమ్రజనీకి EOW సమన్లు పంపించింది. ఈ నేపథ్యంలో శనివారం విచారణ అధికారి ఎదుట హాజరుకావాలని, వాంగ్మూలాలు నమోదు చేయాలని వారిద్దరికీ ఈఓడబ్ల్యూ సమన్లు పంపింది. కోల్డ్‌ప్లే మ్యూజిక్ ఈవెంట్‌ టిక్కెట్లను బ్లాక్ మార్కెటింగ్ చేయడంపై న్యాయవాది మిత్ వ్యాస్ EOWకి ఫిర్యాదు చేసినట్లు ముంబై(mumbai) పోలీసులు తెలిపారు.

బ్లాక్ దందా

ఈ క్రమంలో బుక్‌మైషో అనైతిక పద్ధతులను ఉపయోగించిందని వ్యాస్ తన ఫిర్యాదులో పేర్కొన్నారు. రేట్ల పెరుగుదల వల్ల సెప్టెంబర్ 22న ప్రారంభమైన అధికారిక విక్రయాల సమయంలో నిజమైన అభిమానులు టిక్కెట్‌లను కొనుగోలు చేయకుండా ఉండిపోయారని తెలిపారు. చట్టబద్ధమైన వినియోగదారులను లాగ్ అవుట్ చేయడం లేదా వారిని పూర్తిగా బ్లాక్ చేయడం ద్వారా ప్లాట్‌ఫారమ్‌ను తారుమారు చేశారని వారి ఫిర్యాదులో ఆరోపించారు. దీంతో బ్రిటన్‌కు చెందిన ప్రముఖ రాక్ బ్యాండ్ 'కోల్డ్‌ప్లే' వార్తల్లోకి వచ్చింది.

టిక్కెట్ ధర

ఈ రాక్ బ్యాండ్ వచ్చే ఏడాది జనవరి 18, 19, 21 తేదీల్లో ముంబైలోని డీవై పాటిల్ స్టేడియంలో కోల్డ్‌ప్లే మ్యూజిక్ ఈవెంట్ నిర్వహించనుంది. ఈ కార్యక్రమం కోసం ఇటివల బుకింగ్ స్టార్ట్ చేశారు. ఈ నేపథ్యంలో టిక్కెట్లను పెద్ద ఎత్తున బ్లాక్ మార్కెట్ చేసినట్లు తెలిపారు. ఒక్కో టిక్కెట్టును రూ.3500 నుంచి రూ.70 వేలకు పెంచినట్లు చెప్పారు. ఆ క్రమంలో విషయం తెలుసుకున్న బ్రిటీష్ రాక్ బ్యాండ్ కోల్డ్‌ప్లే ముంబై సంగీత కచేరీ అధికారిక టిక్కెట్ భాగస్వామి బుక్ మై షో, కోల్డ్‌ప్లే కచేరీ నకిలీ టిక్కెట్‌లను విక్రయిస్తున్న వారిపై ఫిర్యాదు చేసింది. దీంతోపాటు బుక్‌మై షో టిక్కెట్లను బ్లాక్‌ మార్కెటింగ్‌ చేస్తున్నారంటూ ఓ న్యాయవాది కూడా ఫిర్యాదు చేశారు.

పిల్ దాఖలు

ఈ ఫిర్యాదు ఆధారంగా ముంబై పోలీసుల ఆర్థిక నేరాల విభాగం (EOW) బుక్ మై షో CEO, సహ వ్యవస్థాపకుడు ఆశిష్ హేమ్రజనీకి సమన్లు జారీ చేసింది. ఆయనతో పాటు కంపెనీ సీటీవోకు కూడా సమన్లు పంపించింది. న్యాయవాది ఫిర్యాదు మేరకు కేసు దర్యాప్తు ప్రారంభించినట్లు ముంబై పోలీసు అధికారులు తెలిపారు. ఆయన బాంబే హైకోర్టులో కూడా ప్రజా ప్రయోజన వ్యాజ్యం (PIL) దాఖలు చేయాలనుకుంటున్నాడు. భవిష్యత్తులో ఇలాంటి మోసపూరిత కార్యకలాపాలను నిరోధించమే లక్ష్యంగా పెట్టుకున్నట్లు తెలిపారు. కంపెనీ సీఈవో, సీటీవోల స్టేట్‌మెంట్లను శనివారం నమోదు చేయనున్నారు.

కోల్డ్‌ప్లే బ్యాండ్

2016లో ముంబైలో జరిగిన గోల్డెన్ సిటిజన్ ఫెస్టివల్‌లో కోల్డ్‌ప్లే బ్యాండ్ 9 సంవత్సరాల తర్వాత భారతదేశంలో మళ్లీ ప్రదర్శన ఇవ్వనుంది. కోల్డ్‌ప్లే సాంగ్స్ వారాంతానికి హైమ్, ఎల్లో, ఫిక్స్ యూ భారతదేశంలో బాగా ప్రాచుర్యం పొందాయి. లండన్‌లో ప్రారంభించి 7 గ్రామీ అవార్డులను గెలుచుకున్న కోల్డ్‌ప్లే బ్యాండ్ 1997లో లండన్‌లో ప్రారంభమైంది. క్రిస్ మార్టిన్, జానీ బక్లాండ్, గై బారీమాన్, విల్ ఛాంపియన్, ఫిల్ హార్వే ఈ బ్యాండ్‌లో సభ్యులుగా ఉన్నారు. కోల్డ్‌ప్లే 39 నామినేషన్లలో 7 సార్లు గ్రామీ అవార్డును కూడా అందుకుంది.

ఇవి కూడా చదవండి:

Financial Deadline: ఈ లావాదేవీలకు ఈ నెల 30 చివరి తేదీ.. లేదంటే మీకే నష్టం..

Personal Finance: ఈ పోస్ట్ ఆఫీస్ స్కీంలో రూ.10 లక్షలు పెడితే.. మీకు వడ్డీనే రూ. 20 లక్షలొస్తుంది తెలుసా..

Bank Holidays: అక్టోబర్‌లో బ్యాంకు సెలవులు ఎన్నిరోజులంటే.. పనిచేసేది మాత్రం..

Online Shopping Tips: పండుగల సీజన్‌లో ఆన్‌లైన్‌ షాపింగ్ చేస్తున్నారా.. ఈ జాగ్రత్తలు తప్పనిసరి

Read More National News and Latest Telugu News