Retail inflation: 4 నెలల గరిష్ట స్థాయికి రిటైల్ ద్రవ్యోల్బణం..కారణమిదే!

దేశంలో రిటైల్ ద్రవ్యోల్బణం(Retail inflation) డిసెంబర్ నెలలో నాలుగు నెలల గరిష్ట స్థాయికి చేరుకుంది. నవంబర్‌లో 5.55 శాతంగా ఉన్న రిటైల్ ద్రవ్యోల్బణం డిసెంబర్‌లో 5.69 శాతానికి చేరుకుంది. శుక్రవారం ప్రభుత్వం విడుదల చేసిన సమాచారంలో ఈ విషయం ధృవీకరించబడింది. నవంబర్‌లో పారిశ్రామికోత్పత్తి 2.4 శాతం పెరిగింది. ప్రభుత్వ గణాంకాల ప్రకారం ఏడాది క్రితం ఇదే నెలలో 7.6 శాతం పెరుగుదల నమోదైంది. ద్రవ్యోల్బణం గణాంకాలను స్టాటిస్టిక్స్ అండ్ ప్రోగ్రామ్ ఇంప్లిమెంటేషన్ మంత్రిత్వ శాఖ శుక్రవారం విడుదల చేసింది. అయితే వినియోగదారుల ధరల సూచీ (CPI) ద్వారా కొలవబడే ద్రవ్యోల్బణం భారతీయ రిజర్వ్ బ్యాంక్ (RBI) ఆమోదయోగ్యమైన 2-6 శాతం పరిధిలోనే ఉందని గమనించవచ్చు. మరోవైపు ఇటివల ఆర్బీఐ గవర్నర్ శక్తికాంత దాస్ ద్రవ్యోల్బణ పెరుగులకు ఆహార ధరల ప్రభావంతో సహా పలు నిర్ణయాలు కారణాలుగా ఉన్నాయన్నారు. అంతేకాదు రాబోయే సార్వత్రిక ఎన్నికలకు ముందు ఇది నిరంతరంగా పెరుగుతుందని గుర్తు చేశారు.

మరిన్ని వార్తల కోసం ఇక్కడ చూడండి: Warranty vs Guarantee: గ్యారెంటీ, వారంటీ మధ్య తేడా మీకు తెలుసా..మోసపోతున్నారా?

ప్రభుత్వం విడుదల చేసిన గణాంకాల ప్రకారం ద్రవ్యోల్బణం ప్రాతిపదికన మైనస్ 0.32 శాతం తగ్గింది. డిసెంబర్‌లో ఆహార ద్రవ్యోల్బణం 9.53 శాతంగా ఉంది. గ్రామీణ, పట్టణ ప్రాంతాల్లో ద్రవ్యోల్బణం వరుసగా 5.93 శాతం, 5.46 శాతానికి స్వల్పంగా పెరిగింది. ఏడాది క్రితం ఇదే నెలలో ఇది 5.85 శాతం, 5.26 శాతంగా ఉంది. నవంబర్‌లో 17.7 శాతంగా ఉన్న కూరగాయల ద్రవ్యోల్బణం డిసెంబర్‌లో 27.64 శాతానికి పెరిగింది. ఇది కాకుండా, ఇంధనం, విద్యుత్ ద్రవ్యోల్బణం మైనస్ 0.99 శాతం తగ్గింది, అయితే ఏడాది క్రితం ఇదే నెలలో ఇది మైనస్ 0.77 శాతం తగ్గింది. డిసెంబర్ మానిటరీ పాలసీ రివ్యూ (MPC)లో రిజర్వ్ బ్యాంక్ ద్రవ్యోల్బణం లక్ష్యాన్ని 5.4 శాతం వద్ద యథాతథంగా ఉంచింది. ఆగస్టు మానిటరీ పాలసీ సమీక్షలో రిజర్వ్ బ్యాంక్ MPC 2023-24 ఆర్థిక సంవత్సరానికి ద్రవ్యోల్బణం అంచనాను 5.1 శాతం నుంచి 5.4 శాతానికి పెంచింది.