Diwali Stocks: దీపావళి ముహూరత్ ట్రేడింగ్ సందర్భంగా టాప్ 5 స్టాక్స్
ABN , Publish Date - Oct 25 , 2024 | 01:49 PM
అనేక మంది స్టాక్ మార్కెట్ మదుపర్లు దీపావళి కోసం ఎదురుచూస్తున్నారు. ఎందుకంటే ముహూరత్ ట్రేడింగ్ ద్వారా తక్కువ సమయంలోనే మంచి లాభాలను దక్కించుకోవచ్చు. ప్రతి ఏటా నిర్వహించే ఈ ట్రేడింగ్ గురించి ఇక్కడ చుద్దాం.
దీపావళి రోజు కూడా భారతీయ స్టాక్ మార్కెట్(stock market) తెరిచే ఉంటుంది. ఈ సందర్భంగా ఇన్వెస్టర్లు కొత్త పెట్టుబడులను ప్లాన్ చేస్తుంటారు. ముఖ్యంగా ముహూరత్ ట్రేడింగ్ చేయడం శుభప్రదంగా పరిగణిస్తారు. ఈ రోజున పెట్టిన పెట్టుబడులు భవిష్యత్తులో మంచి లాభాలను ఇస్తాయని చాలా మంది పెట్టుబడిదారులు భావిస్తారు. అయితే ఈసారి నవంబర్ 1న శుక్రవారం సాయంత్రం 6.15 గంటల నుంచి 7.15 గంటల వరకు ముహూరత్ ట్రేడింగ్ 2024 నిర్వహించనున్నట్లు స్టాక్ ఎక్స్ఛేంజ్ ప్రకటించింది.
గత దీపావళి 2023లో భారతీయ ఈక్విటీ మార్కెట్లు పెట్టుబడిదారులకు మంచి రాబడిని అందించాయి. నవంబర్ 12, 2023న బెంచ్‌మార్క్ BSE సెన్సెక్స్ 25% లాభపడగా, అదే కాలంలో BSE మిడ్‌క్యాప్, BSE స్మాల్‌క్యాప్ సూచీలు వరుసగా 47%, 45% లాభపడ్డాయి. ఈ నేపథ్యంలో ఈసారి ముహూరత్ ట్రేడింగ్ కోసం ఎలాంటి స్టాక్స్ ఎంచుకోవాలనే విషయాలను ఇక్కడ తెలుసుకుందాం.
హిందుస్థాన్ ఏరోనాటికల్ (HAL)
ఈ కంపెనీ భారతదేశంలోని ప్రముఖ ఏరోస్పేస్, డిఫెన్స్ కంపెనీ. 1940లో ఏర్పాటైన హెచ్‌ఏఎల్ దేశంలోని ఏరోస్పేస్ సామర్థ్యాలను రూపొందించడంలో కీలక పాత్ర పోషించింది. ఈ కంపెనీ మొత్తం ఆర్డర్ బుక్ రూ. 1,20,000 కోట్లుగా ఉంది. అయితే ఇది రాబోయే 1.5 నుంచి 3 సంవత్సరాలలో రూ. 2,00,000 కోట్ల అదనపు ఆర్డర్‌లను పొందే ఛాన్స్ ఉందని నిపుణులు చెబుతున్నారు. దీంతో ఈ సంస్థ స్టాక్ ధర దీర్ఘకాలంలో మరింత పెరిగే ఛాన్స్ ఉంది.
ఇర్కాన్ ఇంటర్నేషనల్ (IRCON)
రైల్వే మంత్రిత్వ శాఖ ఆధ్వర్యంలో 1976లో ఇండియన్ రైల్వే కన్‌స్ట్రక్షన్ కంపెనీ లిమిటెడ్‌గా స్థాపించబడిన ఈ సంస్థ, భారతదేశంలోని ప్రముఖ ప్రభుత్వ రంగ సంస్థ (PSU)గా ఉంది. ఇది సెప్టెంబర్ 30, 2024 నాటికి రూ. 26,784 కోట్ల బలమైన ఆర్డర్ కల్గి ఉంది. గత 5 సంవత్సరాలలో CAGR 16% వద్ద బలమైన లాభాలతో కొనసాగుతుంది. రైల్వే ఇన్‌ఫ్రాస్ట్రక్చర్‌పై ప్రభుత్వం చేస్తున్న వ్యయం పెరగడం ఈ కంపెనీకి శుభసూచకం.
బ్యాంక్ ఆఫ్ ఇండియా
ఈ సంస్థ Q2FY25లో బ్యాంక్ బలమైన వ్యాపార పనితీరును ప్రదర్శించింది. విస్తృతమైన బ్రాంచ్, ATM నెట్‌వర్క్ కారణంగా మొత్తం వ్యాపారంలో సంవత్సరానికి 12% వృద్ధిని సాధించింది. Q1FY25లో క్రెడిట్ డిపాజిట్ నిష్పత్తి సంవత్సరానికి 412 బేసిస్ పాయింట్ల నుంచి 78.53%కి గణనీయంగా మెరుగుపడింది. ఇది Q1 FY24లో 74.41%తో పోలిస్తే, రుణాలు ఇవ్వడానికి డిపాజిట్ల వినియోగం పెరిగినట్లు సూచిస్తుంది. RAM (రిటైల్, వ్యవసాయం, MSME) రుణ పుస్తకం Q1FY25లో 18.8% ఆకట్టుకునే వృద్ధిని సాధించింది. రిటైల్ అడ్వాన్స్‌లు 20% YoY, వ్యవసాయ రుణాలు 22.2%, MSME అడ్వాన్సులు 16.1% పెరిగాయి.
జీవిత బీమా కార్పొరేషన్
LIC భారతీయ జీవిత బీమా మార్కెట్లో బలమైన స్థానాన్ని కలిగి ఉంది. ఇది Q1 FY25 నాటికి ప్రీమియంలలో 64.02%, పాలసీలలో 66.54% మార్కెట్ వాటాను కల్గి ఉంది. LIC 26.85 కోట్ల వ్యక్తిగత పాలసీలు, FY24లో గ్రూప్ ఇన్సూరెన్స్ కింద 8.5 కోట్ల మందికి కవరేజీతో 14వ బలమైన ప్రపంచ బీమా బ్రాండ్‌గా ర్యాంక్ పొందింది. FY24 కోసం సాల్వెన్సీ నిష్పత్తి సంవత్సరానికి 11 bps పెరిగింది. FY23లో 1.87తో పోలిస్తే 1.98కి పెరిగింది. నెక్ట్స్‌జెన్ డిజిటల్ ప్లాట్‌ఫారమ్‌ను అభివృద్ధి చేయడానికి ఇన్ఫోసిస్‌తో సహకరించడం ద్వారా DIVE అనే డిజిటల్ ట్రాన్స్‌ఫర్మేషన్ ప్రోగ్రామ్‌లో LIC చురుకుగా ఉంది.
నారాయణ హృదయాలయ
కార్డియాలజీ, ఆంకాలజీ, నెఫ్రాలజీలో గణనీయమైన మార్కెట్ వాటాతో సూపర్ స్పెషాలిటీ హెల్త్‌కేర్‌లో కంపెనీ అత్యంత విశ్వసనీయమైన పేర్లలో ఒకటిగా ఉంది. ఇది ప్రధానంగా తూర్పు, దక్షిణ భారతదేశంలో విస్తరించింది. ప్రస్తుతం NHL సంవత్సరానికి సుమారు రూ. 1,000 కోట్ల నిర్వహణ నగదు ప్రవాహాన్ని సృష్టిస్తోంది.
గమనిక: ఆంధ్రజ్యోతి ఈ స్టాక్స్ తీసుకోమని సూచించదు. సమాచారాన్ని మాత్రమే అందిస్తుంది. కాబట్టి ఈ స్టాక్స్ ఎంపిక చేసుకునే విషయంలో నిపుణుల సలహా, సూచనలు తీసుకోవడం మంచిది.
ఇవి కూడా చదవండి:
Investment Tips: ఈ పోస్టాఫీస్ స్కీంలో రూ. 10 లక్షలు పెడితే.. వచ్చేది రూ. 21 లక్షలు..
Bank Holidays: నవంబర్ 2024లో బ్యాంక్ సెలవులు.. దాదాపు సగం రోజులు బంద్..
Personal Finance: మహిళలకు గుడ్ న్యూస్.. రూ. 5 లక్షల వరకు వడ్డీ లేని రుణాలు..
Pension Plan: రోజూ రూ. 12 ఆదా చేస్తే.. 60 ఏళ్ల తర్వాత నెలకు ఎంత పెన్షన్ వస్తుందంటే..
Muhurat Trading 2024: ఈసారి దీపావళి ముహూరత్ ట్రేడింగ్ ఎప్పుడంటే.. అక్టోబర్ 31 లేదా నవంబర్ 1..
Investment Tips: ఒకేసారి రూ. 12 లక్షలు పెట్టుబడి చేసి మరచిపోండి.. ఆ తర్వాత ఎంతవుతుందంటే..
Read More Business News and Latest Telugu News
