Hyderabad: జీడిమెట్ల పారిశ్రామికవాడలో వ్యక్తి దారుణహత్య...

హైదరాబాద్: జీడిమెట్ల(Jedimetla) పారిశ్రామికవాడలోని ఇండియన్‌ గ్యాస్‌ గోదాం ఎదుట ఓ వ్యక్తి దారుణహత్యకు గురైయ్యాడు. సంఘటన శనివారం వెలుగులోకి వచ్చింది. ఉదయం 9 గంటల ప్రాంతంలో నాలా పక్కన పడిఉన్న శవాన్ని చూసి స్థానికులు జీడిమెట్ల పోలీసులకు సమాచారం అందించారు. ఘటనా స్థలానికి చేరుకున్న పోలీసులు వివరాలు సేకరించగా.. మృతుడు గాజులరామారం దేవేందర్‌నగర్‌కు చెందిన ముస్తఫా(40)గా గుర్తించారు.

ఇదికూడా చదవండి: Hyderabad: అద్దెకుంటున్న ఇంట్లో చోరీ.. పోలీసులకు చిక్కిన మహిళ

అనంతరం మృతదేహాన్ని స్వాధీనం చేసుకొని పోస్టుమార్టం నిమిత్తం గాంధీ ఆస్పత్రికి తరలించారు. ఇన్‌స్పెక్టర్‌ గడ్డం మల్లేష్‌(Inspector Gaddam Mallesh) తెలిపిన వివరాల ప్రకారం.. దేవేందర్‌నగర్‌కు చెందిన పిక్‌పాకెటర్‌ ముస్తఫా(Pickpocketer Mustafa) ఆరు సంవత్సరాల క్రితం గౌస్‌ అనే యువకుడిని బండరాయితో తలపై మోది హత్య చేయడానికి ప్రయత్నించాడు. ఈ కేసులో ముస్తఫా ఆరు నెలలు జైలుకు వెళ్లి వచ్చాడు.

ఈ నేపథ్యంలో తనను చంపాలని చూసిన ముస్తఫాపై పగ పెంచుకున్న గౌస్‌.. ఎలాగైనా అతడిని హత్య చేయాలని నిర్ణయంచుకొని, అదునుకోసం ఎదురుచూసి ముస్తఫాను హత్య చేసి నాలా పక్కన పడేసి వెళ్లినట్లు పోలీసులు అనుమానిస్తున్నారు. ఈ మేరకు పోలీసులు కేసునమోదు చేసుకొని దర్యాప్తు చేస్తున్నారు. గౌస్‌ సహా.. పలువురు నిందితులను అదుపులోకి తీసుకొని విచారిస్తున్నట్లు పోలీసులు తెలిపారు. త్వరలో పూర్తి వివరా లు నిందితుల పూర్తి వివరాలు తెలుస్తాయని ఇన్‌స్పెక్టర్‌ తెలిపారు.

ఇదికూడా చదవండి: నేను మంత్రినైనా.. నా తల్లిదండ్రులు రోజూ అడవికి వెళ్లి పనిచేసుకుంటారు

ఇదికూడా చదవండి: ‘సింగరేణి’ని కాపాడేందుకు అసెంబ్లీలో తీర్మానం చేయండి

ఇదికూడా చదవండి: కాల్పుల కలకలం.. పోలీసులపై గొడ్డలి, రాళ్లతో యువకుల దాడి

ఇదికూడా చదవండి: మీపై ఫెమా కేసు.. అరెస్ట్‌ తప్పదంటూ బెదిరింపులు