పాక్‌పై అఫ్గాన్‌ ప్రతీకార దాడులు
ABN , Publish Date - Dec 29 , 2024 | 04:04 AM
తమ దేశంపై దాడులకు ప్రతీకారంగా తాము పాకిస్థాన్‌లోని పలు ప్రాంతాలపై దాడులు జరిపామని అఫ్గానిస్థాన్‌ రక్షణ మంత్రిత్వశాఖ శనివారం ఎక్స్‌ వేదికగా ప్రకటించింది.
19 మంది సైనికుల మృతి
కాబూల్‌, డిసెంబరు 28: తమ దేశంపై దాడులకు ప్రతీకారంగా తాము పాకిస్థాన్‌లోని పలు ప్రాంతాలపై దాడులు జరిపామని అఫ్గానిస్థాన్‌ రక్షణ మంత్రిత్వశాఖ శనివారం ఎక్స్‌ వేదికగా ప్రకటించింది. ఈ దాడుల వల్ల పాకిస్థాన్‌కు ఏ మేరకు నష్టం వాటిల్లింది మాత్రం వెల్లడించలేదు. అయితే ఈ దాడుల్లో పాకిస్థాన్‌కు చెందిన 19 మంది సైనికులు మృతిచెందారని హురియత్‌ డైలీ న్యూస్‌ వెల్లడించింది. ఈ దాడుల్లో అఫ్గానిస్థాన్‌కు చెందిన ముగ్గురు సైనికులు కూడా మృతి చెందినట్లు పేర్కొంది.
