Bengaluru: కారు ఆపలేదంటూ.. అద్దాలు పగలకొట్టి..

బెంగళూరు, నవంబర్ 01: రహదారిపై కారు ఆపమంటే.. ఆపలేదంటూ ఓ వ్యక్తి ఆగ్రహించాడు. దీంతో ఆ కారును మరొకరి బైక్‌పై వెంబడించాడు. అనంతరం రహదారిపై కారుకు బైక్ అడ్డంగా నిలిపారు. అనంతరం కారు దిగాలంటూ కారు డ్రైవింగ్ చేస్తున్న అనూప్ జోసఫ్‌ను డిమాండ్ చేశాడు. అందుకు అతడు ససేమీరా అనడంతో.. సదరు వ్యక్తి కోపం కట్టలు తెంచుకుంది. అంతే కారు అద్దాన్ని రాయితో బలంగా కొట్టాడు. దీంతో కారు కిటికి అద్దం పగిలింది. ఆ గాజు పెంకులు కారు వెనుక సీట్లో కూర్చున్న అనూప్ కుమారుడి తలకు తగిలి.. తీవ్ర గాయమైంది. దాంతో ఆ బాలుడిని వెంటనే సమీపంలోని ఆసుపత్రికి తరలించారు. బాలుడి తలకు మూడు కుట్లు పడ్డాయి.

అయితే ఈ దాడి ఘటనకు సంబంధించిన మొత్తం వ్యవహారాన్నిఅనుప్ భార్య తన సెల్ ఫోన్‌లో చిత్రీకరించింది. అందుకు సంబంధించిన వీడియోను.. పోలీసులకు ట్యాగ్ చేసి.. సోషల్ మీడియాలో పోస్ట్ చేశారు. దీంతో పోలీసులు వెంటనే స్పందించారు. ఘటన స్థలానికి చేరుకుని వివరాలు సేకరించారు. వీడియోలోని వ్యక్తుల కోసం పోలీసులు గాలిస్తున్నారు. దీపావళి సందర్భంగా బుధవారం రాత్రి షాపింగ్ పూర్తి చేసుకుని ఇంటికి వస్తున్న సమయంలో ఈ ఘటన చోటు చేసుకుందని అనూప్ జోసఫ్ పోలీసులకు వెల్లడించారు. బెంగళూరులోని పరప్పన్ అగ్రహారం పోలీస్ స్టేషన్ పరిధిలోని కేశవన్‌హళ్లీలో ఈ ఘటన చోటు చేసుకోంది. ఇక ఈ వీడియో సోషల్ మీడియాలో వైరల్ అవుతుంది.

For National News And Telugu News