జేఈఈ మెయిన్స్‌ షెడ్యూల్‌ విడుదల
ABN , Publish Date - Oct 29 , 2024 | 04:22 AM
రాబోయే 2025-26 విద్యా సంవత్సరానికి గాను జేఈఈ మెయిన్స్‌ షెడ్యూల్‌ను నేషనల్‌ టెస్టింగ్‌ ఎజెన్సీ(ఎన్టీఏ) సోమవారం ప్రకటించింది.
న్యూఢిల్లీ, అక్టోబరు 28: రాబోయే 2025-26 విద్యా సంవత్సరానికి గాను జేఈఈ మెయిన్స్‌ షెడ్యూల్‌ను నేషనల్‌ టెస్టింగ్‌ ఎజెన్సీ(ఎన్టీఏ) సోమవారం ప్రకటించింది. రెండు సెషన్లుగా ఈ పరీక్షలను నిర్వహించనున్నారు. సెషన్‌-1ను జనవరిలో, సెషన్‌-2ను ఏప్రిల్‌లో నిర్వహిస్తామని తెలిపింది. సెషన్‌-1కు సంబంధించి అక్టోబరు 28 నుంచి నవంబర్‌ 22 వరకు దరఖాస్తులు స్వీకరిస్తారు. జనవరి 22 నుంచి 31 వరకు పరీక్షలు నిర్వహిస్తారు. ఫిభ్రవరి 12లోపు ఫలితాలు వెల్లడించనున్నారు.
