దేశమంతా నన్నే కోరుతోంది: రాబర్ట్‌ వాద్రా
ABN , Publish Date - Apr 28 , 2024 | 03:39 AM
కాంగ్రెస్‌ అగ్రనేత సోనియా గాంధీ అల్లుడు రాబర్ట్‌ వాద్రా ఆసక్తికర వ్యాఖ్యలు చేశారు. ‘‘దేశమంతా నన్నే కోరుతోంది.
రుషికేష్‌, ఏప్రిల్‌ 27: కాంగ్రెస్‌ అగ్రనేత సోనియా గాంధీ అల్లుడు రాబర్ట్‌ వాద్రా ఆసక్తికర వ్యాఖ్యలు చేశారు. ‘‘దేశమంతా నన్నే కోరుతోంది. రాజకీయాల్లోకి రమ్మంటోంది. ప్రజలు మార్పును కోరుకుంటున్నారు. బీజేపీ నుంచి ఈ దేశానికి విమోచనం కలిగించాలని భావిస్తున్నారు.
దేశ ప్రజలంతా ఇప్పుడు గాంధీల కుటుంబంతోనే ఉన్నారు. రాహుల్‌, ప్రియాంకాగాంధీలు ఎంత కష్టపడుతున్నారో వారు చూస్తున్నారు. కేంద్రంలోని బీజేపీ ప్రభుత్వం ప్రభుత్వ సంస్థలను దుర్వినియోగం చేస్తున్న తీరుపై మండిపడుతున్నారు’’ అని వాద్రా వ్యాఖ్యానించారు. ఉత్తరాఖండ్‌లోని రుషికే్‌షలో ఆయన మాట్లాడుతూ.. అమేఠీ నియోజకవర్గం నుంచి పోటీ చేయాలని భావిస్తున్నట్టు చెప్పారు.
