సింహాద్రి అప్పన్నను దర్శించుకున్న మంత్రి కొల్లు రవీంద్ర

విశాఖ: సింహాద్రి అప్పన్న స్వామిని మంత్రి కొల్లు రవీంద్ర మంగళవారం ఉదయం దర్శించుకున్నారు. ఈ సందర్భంగా మంత్రికి దేవస్థానం అధికారులు, అర్చకులు ఆలయ మర్యాదలతో పూర్ణకుంభంతో స్వాగతం పలికారు. అనంతరం కప్పస్తంభం ఆలింగనం, బేడ మండపం ప్రదక్షిణ చేసిన మంత్రి కొల్లు రవీంద్ర అంతరాలయంలో ప్రత్యేక పూజలు నిర్వహించారు. తర్వాత వేద పండితులు మంత్రికి ఆశీర్వచనం చేసి.. స్వామివారి తీర్థ, ప్రసాదాలు అందజేశారు. ఆలయ అధికారులు మంత్రి కొల్లు రవీంద్రకు స్వామివారి చిత్రపటాన్ని అందజేశారు.