విశాఖలో పవన్ వారాహి విజయభేరీ సభ

విశాఖలో భూములు లాక్కుంటున్నారు. ధనవంతులు భయపడి అమెరికాకు వెళ్లిపోతున్నారు... ఎన్నాళ్లిలా? ఎంతమంది సొంత ఇళ్లను వదిలి వెళ్లిపోగలరు? మేం అండగా ఉంటాం. మీరు ధైర్యంగా నిలబడండి. వైసీపీని బంగాళాఖాతంలో కలిపేయండి ’ అని జనసేన అధ్యక్షుడు పవన్‌ కల్యాణ్‌ పిలుపిచ్చారు. ఎన్నికల ప్రచారంలో భాగంగా గురువారం ఆయన విశాఖ దక్షిణ నియోజకవర్గంలో జరిగిన వారాహి విజయభేరీ బహిరంగ సభలో ఆయన ప్రసంగించారు. ఉత్తరాంధ్ర, విశాఖపట్నం అంటే తనకు ప్రత్యేక అభిమానమని, ఇక్కడే నటనలో ఓనమాలు నేర్చుకున్నానని పవన్ తెలిపారు.