మహాశక్తి గణపతికి తొలిపూజలో సీఎం రేవంత్ రెడ్డి..

హైదరాబాద్: ఖైరతాబాద్ వినాయకుడికి తొలి పూజ జరిగింది. ఈ కార్యక్రమంలో ముఖ్యమంత్రి రేవంత్ రెడ్డి తన మనుమడుతో కలిసి పాల్గొన్నారు. మహా గణపతి పూజ అనంతరం ఆయన మాట్లాడారు. ముందుగా రాష్ట్ర ప్రజలకు వినాయక చవితి శుభాకాంక్షలు తెలిపారు. దేశంలోనే అత్యంత గొప్పగా ఖైరతాబాద్ గణేష్ ఉత్సవ సమితి కార్యకలాపాలు నిర్వర్తిస్తోందన్నారు. గణేష్ నవరాత్రి ఉత్సవాలను గత 70 ఏళ్లుగా నిర్వహించడం గర్వకారణమన్నారు. 1954 నుంచి 2024 వరకూ దేశం దృష్టిని ఆకర్షించే విధంగా వినాయక చవితిని నిర్వహించడం ఆసక్తికర పరిణామమని సీఎం వ్యాఖ్యానించారు. ఖైరతాబాద్ వినాయకుడు దేశంలో గుర్తింపు పొందడం మనకు గర్వకారణమన్నారు.