సీఎం రేవంత్ రెడ్డి నివాసంలో రాఖీ వేడుకలు..

హైదరాబాద్: ముఖ్యమంత్రి రేవంత్ రెడ్డి నివాసంలో రాఖీ వేడుకలు ఘనంగా జరిగాయి. రాఖీ పండుగను పురస్కరించుకుని హైదరాబాద్ జూబ్లీహిల్స్‌లోని ముఖ్యమంత్రి రేవంత్ రెడ్డి నివాసానికి వచ్చిన ఏఐసీసీ రాష్ట్ర వ్యవహారాల ఇంచార్జ్ దీపాదాస్ మున్షీ ఆయనకు రాఖీ కట్టారు. అలాగే మంత్రి సీతక్క రేవంత్ రెడ్డికి, ఆయన మనవడికి రాఖీ కట్టి స్వీట్ తినిపించారు. ఇంకా ఎంపీ కావ్య, ఎమ్మెల్యేలు పర్ణిక రెడ్డి, రాగమయి, కార్పొరేషన్ చైర్మన్లు బండ్రు శోభారాణి, నెరేళ్ల శారద, కాల్వ సుజాత, తదితరులు రేవంత్ రెడ్డికి రాఖీలు కట్టారు. కాగా తెలుగు రాష్ట్రాల్లో రాఖీ వేడుకలు ఘనంగా జరుగుతున్నాయి. అన్నాచెల్లెళ్లు.. అక్కాతమ్ముళ్ల మధ్య ప్రేమానురాగాలకు ప్రతీకగా పండుగ జరుపుకుంటున్నారు.