Viral Video: ఇతడి తెలివికి హ్యాట్సాఫ్ చెప్పాల్సిందే.. తక్కువ ఖర్చుతో రూమ్ హీటర్ ఎలా తయారు చేశాడంటే..

ABN , Publish Date - Nov 11 , 2024 | 08:37 AM

ప్రస్తుతం చలి కాలం కావడంతో అన్ని ప్రాంతాల్లోనూ ప్రజలు చలికి వణుకుతున్నారు. ముఖ్యంగా ఉత్తరాదిన ఈ ప్రభావం ఎక్కువగా ఉంది. దీంతో చాలా మంది రూమ్ హీటర్లు కొనుక్కుని ఇళ్లను వెచ్చగా మార్చుకుంటున్నారు. ఈ నేపథ్యంలో ఓ యువకుడు చాలా చవకగా ఇటుకతో రూమ్ హీటర్ తయారు చేశాడు.

Viral Video: ఇతడి తెలివికి హ్యాట్సాఫ్ చెప్పాల్సిందే.. తక్కువ ఖర్చుతో రూమ్ హీటర్ ఎలా తయారు చేశాడంటే..

Brick Heater

చాలా తక్కువ ఖర్చుతో అవసరమైన వస్తువులు తయారు చేయడంలో భారతీయులు నిపుణులు. సాధారణ వ్యక్తులు కూడా తమ బుర్రలకు పదును పెట్టి అద్భుత ఆవిష్కరణలు (New Innovations) చేస్తుంటారు. ప్రస్తుతం చలి కాలం (Winter) కావడంతో అన్ని ప్రాంతాల్లోనూ ప్రజలు చలికి వణుకుతున్నారు. ముఖ్యంగా ఉత్తరాదిన ఈ ప్రభావం ఎక్కువగా ఉంది. దీంతో చాలా మంది రూమ్ హీటర్లు (Room Heater) కొనుక్కుని ఇళ్లను వెచ్చగా మార్చుకుంటున్నారు. ఈ నేపథ్యంలో ఓ యువకుడు చాలా చవకగా ఇటుకతో రూమ్ హీటర్ తయారు చేశాడు. ఆ వీడియో చూసిన వాళ్లు ఆ కుర్రాడిని ప్రశంసిస్తున్నారు (Viral Video).

monuexplorer అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియో ప్రకారం.. ఓ వ్యక్తి ఇటుక (Brick) పై భాగంలో డ్రిల్లింగ్ మెషీన్‌తో కట్ చేశాడు. అక్కడ కాయిల్ సెట్ చేశాడు. అలాగే వైర్, ప్లగ్ కూడా ఆ ఇటకకు బోల్ట్‌ల సహాయంతో అమర్చాడు. అనంతరం ఆ ప్లగ్‌ను బోర్డ్‌లో పెట్టి స్విచ్ ఆన్ చేశాడు. కొద్ది సేపటికే ఆ కాయిల్ మండి వెచ్చదనం అందించడం ఆ వీడియోలో కనబడుతోంది (Brick Heater). చాలా తక్కువ ఖర్చుతో రూమ్ హీటర్ తయారు చేసి అందర్నీ ఆశ్చర్యపరిచాడు. ఆ వీడియోను సోషల్ మీడియాలో షేర్ చేశాడు. ఆ వీడియో కాస్తా వైరల్‌గా మారింది.

ఈ వైరల్ వీడియోను ఇప్పటివరకు 1.5 కోట్ల మంది వీక్షించారు. 4.7 లక్షల మందికి పైగా లైక్ చేశారు. ఈ వీడియోపై నెటిజన్లు తమదైన శైలిలో స్పందించారు. ``ఇది గేమ్ ఆఫ్ డెత్``, ``రూమ్ హీటర్ ఖరీదు చాలా తక్కువ``, ``ఇది చాలా ప్రమాదకరం``, ``మంచి ఆలోచన, ఇంకొన్ని జాగ్రత్తలు తీసుకోవాలి``, ``వావ్.. గ్రేట్ జుగాడ్`` అంటూ నెటిజన్లు కామెంట్లు చేశారు.