Viral: స్విగ్గీలో రూ.8,32,032లతో ఆర్డర్ పెట్టి సరికొత్త రికార్డు! ఇతడేం కొన్నాడో తెలిస్తే..
ABN , Publish Date - Dec 28 , 2024 | 02:53 PM
ధనత్రయోదశినాడు అహ్మదాబాద్ వ్యక్తి ఏకంగా రూ.8 లక్షల పైచిలుకు విలువైన బంగారు నాణేలు కొనుగోలు చేసి స్విగ్గీ ఇన్‌మార్ట్ వేదికగా రికార్డు సృష్టించాడు.
ఇంటర్నెట్ డెస్క్: క్విక్ కామర్స్ రంగం మంచి ఊపుమీద ఉంది. కేవలం పదిహేను నిమిషాల్లోనే కావాల్సినవి డెలివరీ అవుతుండటంతో అనేక మంది పచారీ సామాన్లు మొదలు ఎలక్ట్రానిక్ గ్యాడ్జెట్స్ వరకూ అన్నీ క్విక్ కామర్స్ యాప్‌లల్లో ఆర్డర్ పెడుతున్నారు. పరిస్థితి ఎంతలా ముదిరిందంటే ఓ వ్యక్తి ఏకంగా బంగారు నాణేలనే స్విగ్గీ ఇన్‌స్టామార్ట్‌లో కొనుగోలు చేశారు. ఈ ఏడాది సంస్థకు ఇచ్చిన ఆర్డర్లకు సంబంధించి కొత్త చరిత్ర సృష్టించారు. మరో రెండు రోజుల్లో ఈ ఏడాది ముగుస్తున్న నేపథ్యంలో జనాల కొనుగోళ్ల తీరుతెన్నులపై స్విగ్గీ ఓ నివేదిక విడుదల చేసింది. ఈ ఏడాది జనవరి 1 నుంచి డిసెంబర్ 1 వరకూ వచ్చిన ఆర్డర్ల ఆధారంగా ఈ నివేదిక రూపొందించింది (Viral).
Viral: వధువుకు షాక్! రొట్టెలు లేటుగా వడ్డించారని మరో యువతిని పెళ్లాడిన వరుడు!
స్విగ్గీ నివేదిక ప్రకారం, అహ్మదాబాద్‌కు చెందిన ఓ వ్యక్తి ధనత్రయోదశి నాడు ఏకంగా రూ.8,32,032 విలువైన బంగారు నాణేలను ఇన్‌స్టామార్ట్ ద్వారా కొనుగోలు చేసి చరిత్ర సృష్టించాడు.
ఈ ఏడాది అత్యధికంగా కండోమ్‌ల ఆర్డర్లు ఇచ్చిన నగరంగా బెంగళూరు టాప్ స్పాట్‌లో నిలిచింది.
జనాలు రాత్రి వేళ చిరుతిళ్లకు అలవాటు పడుతున్నారు. ఫలితంగా స్విగ్గీలో రాత్రి 10 నుంచి 11 గంటల మధ్య ఆర్డర్లు పతాకస్థాయికి చేరుతున్నాయి. మసాలా ఫ్లేవర్ చిప్స్, కుర్కురే వంటివి ఎక్కువగా అమ్ముడుపోతున్నాయి. ఈ కేటగిరీలో ఢిల్లీ, హైదరాబాద్, బెంగళూరు నగరాలు టాప్‌లో నిలిచాయి.
ఢిల్లీ, డెహ్రాడూన్ నగర వాసులు షాపింగ్‌పై ఎక్కువగా ఖర్చు చేస్తున్నారు. ఆటా, పాలు పెరుగు వంటి వాటికి రెండు నగరాల్లో కలిపి ఏకంగా రూ.20 లక్షల మేర ఖర్చు చేశారు.
Viral: మార్చరీలో జాబ్‌కు వింత పరీక్ష.. శవాల మధ్య 10 నిమిషాల పాటు..
దేశవ్యాప్తంగా పాలు, పెరుగు, దోస పిండి, చిప్స్, సాఫ్ట్ డ్రింక్స్ ఎక్కువగా స్విగ్గీలో అమ్ముడుపోయాయి.
ముంబైకి చెందిన పెంపుడు జంతువు యజమాని ఒకరు తన నేస్తం కోసం ఏకంగా రూ.15 లక్షల విలువైన ఉత్పత్తులు కొని రికార్డు నెలకొల్పారు.
టానిక్ వాటర్ కొనుగోళ్లపై ఒక్క రోజులో రూ. 8,20,360 ఖర్చు చేసిన నగరంగా ముంబై గుర్తింపు సొంతం చేసుకుంది. గోవాలో ఓ వ్యక్తి ఏకంగా టానిక్ వాటర్‌పై రూ.35 వేలు ఖర్చు చేశాడు.
ఢిల్లీ వాసులు ఇన్‌స్టంట్ నూడుల్స్‌పై ఏకంగా రూ.60 కోట్లు ఖర్చు చేశారు.
వైజాగ్ వాసులు బొమ్మలపై రూ.27472 ఖర్చు చేసినట్టు స్విగ్గీ నివేదిక పేర్కొంది.
Viral: వాహనదారుడికి షాక్.. రోడ్డుపై వెళుతుండగా హెల్మెట్‌లోని పాము కాటేయడంతో..
ఈ ఏడాది అత్యంత వేగవంతమైన డెలివరీ కొచ్చీలో చోటుచేసుకుంది. ఓ వ్యక్తి అరటిపళ్లు ఆర్డర్ పెట్టిన 89 సెకెన్లకే అవి ఇంటికి డెలివరీ అయ్యాయి.
అత్యంత చవకైన ఆర్డర్ హైదరాబాద్‌లో వెలుగు చూసింది. ఇక్కడో వ్యక్తి రూ.3తో పెన్సిల్ షార్పనర్ ఆర్డర్ చేశారు.
బ్యాగ్ అవసరం లేకుండా వస్తువుల డెలివరీపై హైదరాబాద్, బెంగళూరు నగరవాసులు ఎక్కువగా ఆసక్తి చూపారు.
