Viral: పిల్ల మొసలి తెలివితేటలు సూపర్.. చావును ఎలా తప్పించుకుందో చూడండి!
ABN , Publish Date - May 17 , 2024 | 10:34 PM
చచ్చినట్టు నటిస్తూ కొండచిలువ బారి నుంచి తప్పించుకున్న ఓ పిల్ల మొసలి వీడియో ప్రస్తుతం వైరల్ అవుతోంది. పిల్ల మొసలి తెలివితేటలు చూసి జనాలు ఆశ్చర్యపోతున్నారు.
ఇంటర్నెట్ డెస్క్: అత్యంత క్రూరంగా వేటాడే జంతువుల్లో మొసళ్లు ముందువరుసలో ఉంటాయి. వీటికి ఆకలి వేస్తే దేన్నీ లెక్క చేయవు. ఆకలి తట్టుకోలేక మొసళ్లు కొన్నిసార్లు తమ తోటి జీవాలనే చంపేసిన ఘటనలు గతంలో వెలుగు చూసాయి. ఇక ఎలాంటి గడ్డు పరిస్థితులైనా తట్టుకునే శక్తి వీటి సొంతం. అందుకే ఇవి ఇంతకాలం మనుగడలో ఉన్నాయి. డైనోసార్‌ల కంటే భూమ్మీద పుట్టిన మొసళ్లు అవి అంతరించిపోయాక కూడా తమ ఉనికిని కాపాడుకుంటున్నాయి. ఇక మొసళ్లు ఎంత బలమైనవో అంత తెలివైనవి కూడా. ఇందుకు సంబంధించిన ఓ వీడియో ప్రస్తుతం వైరల్‌గా (Viral) మారింది.
చీతా లాగిపెట్టి చెంపపై కొడితే ఎలా ఉంటుందో తెలుసా? షాకింగ్ వీడియో
ఈ వీడియోలో పిల్ల మొసలి తన అద్భుత తెలివితేటలతో ఓ కొండచిలువ నుంచి తప్పించుకుంది. వీడియోలో కనిపించిన దాని ప్రకారం, ఓ భారీ కొండచిలువ ఆహారం వెతుక్కుంటూ కొలనులోకి వచ్చేసింది. అప్పటికే అక్కడ ఓ పిల్ల మొసలి ఉంది. కానీ, కొండచిలువను చూడగానే పిల్ల మొసలి కదలకుండా అలాగే ఉండిపోయింది. రెప్ప వాల్చకుండా చచ్చిపోయినట్టు నటించింది. అక్కడికీ ఆ కొండచిలువ తన నాలుకతో మొసలిని పరిశీలించింది. దానిమీదే పాకింది. అయినా మొసలి అంగుళం కూడా కదలకపోవడంతో కొండచిలువ మొసలిని లైట్ తీసుకుంది (Alligators act dead to avert getting swallowed by huge pythons).
ఇక వీడియో చూసిన జనాలు షాకైపోతున్నారు. మొసలి తెలివితేటలు మామూలుగా లేవంటూ కామెంట్స్ చేస్తున్నారు. అడవుల్లో బతకాలంటే ఈ మాత్రం తెలివి తప్పనిసరి అని కొందరు కామెంట్ చేశారు. అంతటి క్రూరమైన మొసలి కూడా ఇంత సంయమనంతో వ్యవహరించడంపై పలువురు ఆశ్చర్యం వ్యక్తం చేశారు. ప్రకృతిలో మనకు తెలీని వింతలు ఎన్నో ఉన్నాయని మరికొందరు ముక్తాయించారు. ఈ వీడియోకు ఇప్పటివరకూ కోటి వ్యూస్ వచ్చాయి.
