Viral: వీధుల్లో గర్భవతి భిక్షాటన! ఆమె ముందు యువకుడి డాన్స్! ఎందుకో తెలిస్తే..

ఇంటర్నెట్ డెస్క్: మనవత్వం మూర్తిభవించిందా అన్నట్టు ఉన్న ఓ యువకుడి ఉదంతం ప్రస్తుతం నెట్టింట వైరల్‌గా మారింది. అతడు చేసిన పనికి నెట్టింట ప్రశంసలు కురుస్తున్నాయి. ఘటన ఎక్కడ జరిగిందో తెలియరానప్పటికీ జనాలను మాత్రం ఈ వీడియో విపరీతంగా ఆకట్టుకుంటోంది (Viral).

ప్రభాస్ పేరిట ఉన్న పేరడీ అకౌంట్‌లో ఈ వీడియోను పోస్టు చేశారు. ఇందులో కనిపించిన దాని ప్రకారం, గర్భంతో ఉన్న ఓ మహిళ నడవలేక వీధుల్లో నేలపై దేకుతూ భిక్షాటన చేస్తోంది. దురదృష్టవశాత్తూ ఆమె కష్టం ఎవరినీ కదిలించలేదు. ఆమెను చూసినా కూడా అనేక మంది పట్టించుకోకుండా తమమానాన తాము వెళ్లిపోయారు. ఈ దారుణ దృశ్యం ఓ యువకుడిని కదిలించింది. దీంతో, ఆమెకు ఆ రోజుకు సరిపడా డబ్బులు సమకూర్చేందుకు రంగంలోకి దిగాడు (Boy performs dance on road to collect funds for pregnant beggar watch).

Viral: వార్నీ..ఈ సీన్ ఎప్పుడూ చూడలేదే! బస్సు టాపు ఎక్కి కాకుల జర్నీ..

యువతి ముందే అతడు.. డబ్బులు వేసేందుకు వీలుగా తన టోని తిరగేసి పెట్టాడు. ఆ తరువాత చూపరులు ఆశ్చర్యపోయేలా డ్యాన్స్ ప్రదర్శన చేశాడు. అతడి బ్రేక్ డ్యాన్స్ చూసి అబ్బురపడ్డారు. వెంటనే అతడి టోపీలో కనకవర్షం కురిసింది. అలా సేకరించిన డబ్బును యువకుడు ఆ మహిళకు ఇచ్చాడు.

వీడియోలో ఇదంతా చూసిన నెటిజన్లు ప్రశంసలు కురిపిస్తున్నారు. మానవత్వం మూర్తిభవించినట్టుగా ఉన్నాడంటూ కామెంట్స్ పెట్టారు. ఈ యువకుడిని కలవాలని ఉందని మరికొందరు కామెంట్ చేశారు. కన్నీళ్లుపెట్టించాడని మరొకరు అన్నారు. అసలైన సూపర్ హీరో అంటే ఇదే అంటూ మరొకరు యువకుడిని ఆకాశానికెత్తేశారు. ఇలా రకరకాల కామెంట్స్ మధ్య వీడియో వైరల్‌గా మారింది.

Read Viral and Telugu News