Viral Video: పెళ్లి వేడుకలో వధువు హాట్ డ్యాన్స్.. వైరల్ వీడియోపై నెటిజన్ల స్పందన ఏంటంటే..

ABN , Publish Date - Oct 28 , 2024 | 03:58 PM

వివాహ వేడుకలో వధువు సిగ్గుపడుతూ కూర్చునే రోజులు పోయాయి. ప్రస్తుతం చాలా పెళ్లిళ్లలో వధూవరుల డ్యాన్స్ అనేది తప్పనసరిగా మారిపోయింది. చాలా మంది వధూవరులు ట్రైనింగ్ తీసుకుని మరీ తమ పెళ్లికి వచ్చిన అతిథులను అలరిస్తున్నారు.

Viral Video: పెళ్లి వేడుకలో వధువు హాట్ డ్యాన్స్.. వైరల్ వీడియోపై నెటిజన్ల స్పందన ఏంటంటే..

Bride dance

మారుతున్న కాలంతో పాటు అభిరుచులు కూడా మారుతుంటాయి. సాంప్రదాయం ప్రకారం జరగాల్సిన వేడుకలు కూడా ఆధునికతను సంతరించుకుంటాయి. వివాహ (Wedding) వేడుకలో వధువు (Bride) సిగ్గుపడుతూ కూర్చునే రోజులు పోయాయి. ప్రస్తుతం చాలా పెళ్లిళ్లలో వధూవరుల డ్యాన్స్ (Bride Dance) అనేది తప్పనిసరిగా మారిపోయింది. చాలా మంది వధూవరులు ట్రైనింగ్ తీసుకుని మరీ తమ పెళ్లికి వచ్చిన అతిథులను అలరిస్తున్నారు. తాజాగా ఓ వధువు కూడా తన పెళ్లికి హాజరైన 400 మంది అతిథుల ముందు చక్కగా డ్యాన్స్ చేసింది. ఆ వీడియో సోషల్ మీడియాలో వైరల్‌గా మారింది (Viral Video).

weddinganswers అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ వివాహ వేడుక జరుగుతోంది. వివాహానికి వచ్చిన అతిథులందరి ముందు వధువు డ్యాన్స్ ప్రదర్శన ఇస్తోంది. తన పెళ్లి లెహంగాలో ``చమ్మక ఛల్లో`` పాటకు కాళ్లు కదుపుతూ చిందులేసింది. అందరూ వధువు డ్యాన్స్‌ను ఎంజాయ్ చేశారు. డ్యాన్స్ ప్రదర్శన తర్వాత ఆమెకు కాబోయే భర్త, ఇతర బంధువులు లేచి నిలబడి చప్పట్లతో అభినందించారు. ఆమె డ్యాన్స్‌ను వీడియో తీసి సోషల్ మీడియాలో పోస్ట్ చేశారు. అది కాస్తా సోషల్ మీడియాలో వైరల్‌గా మారింది. అయితే డ్యాన్స్ సమయంలో ఆమె డ్రెస్, ఎంచుకున్న సాంగ్‌పై నెటిజన్లు ట్రోలింగ్‌ చేస్తున్నారు.

ఈ వైరల్ వీడియోను ఇప్పటివరకు దాదాపు 5 లక్షల మంది వీక్షించారు. దాదాపు 40 వేల మంది ఈ వీడియోను లైక్ చేశారు. ఈ వీడియోపై నెటిజన్లు తమ స్పందనలను తెలియజేశారు. ``డ్యాన్స్ బాగుంది. మేము కానీ అలా చేస్తే పెళ్లినే రద్దు చేశారు``, ``ఆమె చాలా అదృష్టవంతురాలు. సపోర్ట్ చేసే భర్త, అత్తమామలు దొరికారు``, ``పెళ్లి సమయంలో ఓ ఐటెం సాంగ్‌కు అలా డ్యాన్స్ చేయడం అవసరమా``, ``ఆమె ధైర్యానికి హ్యాట్సాఫ్``, ``ఆమె అద్భుతంగా డ్యాన్స్ చేసింది`` అంటూ నెటిజన్లు కామెంట్లు చేశారు.