Viral Video: ఎవర్రా మీరు.. పెళ్లికి వచ్చారా? ఊరును దోచుకోవడానికి వచ్చారా? వైరల్ అవుతున్న షాకింగ్ వీడియో!
ABN , Publish Date - Jun 07 , 2024 | 04:55 PM
పెళ్లి అనేది ప్రతి ఒక్కరి జీవితంలోనూ అత్యంత కీలకమైన ఘట్టం. అలాంటి వేడుకకు సంబంధించిన ప్రతి విషయమూ ప్రత్యేకంగా ఉండాలని వధూవరులు కోరుకుంటారు. ముఖ్యంగా అందరికీ గుర్తుండిపోయేలా విభిన్నంగా ఉండేందుకు రకరకాల ప్లాన్లు చేస్తుంటారు.
పెళ్లి (Wedding) అనేది ప్రతి ఒక్కరి జీవితంలోనూ అత్యంత కీలకమైన ఘట్టం. అలాంటి వేడుకకు సంబంధించిన ప్రతి విషయమూ ప్రత్యేకంగా ఉండాలని వధూవరులు కోరుకుంటారు. ముఖ్యంగా అందరికీ గుర్తుండిపోయేలా విభిన్నంగా ఉండేందుకు రకరకాల ప్లాన్లు చేస్తుంటారు. ముఖ్యంగా వధూవరుల ఎంట్రీ విషయంలో క్రియేటివిటీ పీక్స్‌కు చేరుతోంది. ప్రస్తుతం వైరల్ అవుతున్న వీడియో (Wedding Video) చూస్తే వారి క్రియేటివిటీకి షాకవ్వాల్సిందే. ఆ వీడియో నెటిజన్లను ఆకట్టుకుంటోంది (Viral video).
aman.vlogs అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ వివాహ కార్యక్రమానికి సంబంధించిన వేడుక జరుగుతోంది. బరువైన లెహంగా ధరించిన వధువు (Bride) కార్ బానెట్‌పై కూర్చుని ఉంది. కారు వెళ్తుండగా వధువు సోదరుడు దానిపై నిల్చున్నాడు. అతడి చేతిలో టపాసుల పెట్టె ఉంది. దానిన నుంచి టపాసులు గాల్లోకి ఎగిరి పేలుతున్నాయి. ఆ ధ్వనులకు వధువు కూడా భయపడుతోంది. ఇక, ఆ కారుకు నలువైపులా కొందరు వ్యక్తులు వేలాడుతూ వెళుతున్నారు.
ఈ వీడియో సోషల్ మీడియాలో వైరల్‌గా మారింది. ఈ వీడియోను ఇప్పటివరకు దాదాపు 55 లక్షల మంది వీక్షించారు. 1.9 లక్షల మందికి పైగా ఈ వీడియోను లైక్ చేశారు. ఈ వీడియోపై నెటిజన్లు తమ స్పందనలను తెలియజేశారు. ``మీరు పెళ్లి చేసుకోవడానికి వచ్చారా లేదా గ్రామాన్ని దోచుకోవడానికి వచ్చారా ``, ``బంధిపోటు దొంగల్లా ఉన్నారు``, ``ఇది ఏ ముఠా వివాహం``, ``ఈ ట్రెండ్ ఎక్కడి నుంచి వచ్చింది`` అంటూ నెటిజన్లు కామెంట్లు చేశారు.
ఇవి కూడా చదవండి..
మరిన్ని ప్రత్యేక వార్తలు కోసం క్లిక్ చేయండి..
