Viral: పోలీస్ స్టేషన్‌‌పైకి ఎక్కిన ఎద్దు.. షాకింగ్ దృశ్యాలు!
ABN , Publish Date - Jul 13 , 2024 | 04:49 PM
ఉత్తర్‌ప్రదేశ్‌లో తాజాగా షాకింగ్ ఘటన వెలుగులోకి వచ్చింది. సూచీ పోలీస్ స్టేషన్ భవనం పైకి ఎక్కిన ఎద్దు కిందకు దిగకుండా పోలీసులకు స్థానికులకు చుక్కలు చూపించింది.
ఇంటర్నెట్ డెస్క్: ఉత్తర్‌ప్రదేశ్‌లో తాజాగా షాకింగ్ ఘటన వెలుగులోకి వచ్చింది. సూచీ పోలీస్ స్టేషన్ భవనం పైకి ఎక్కిన ఎద్దు కిందకు దిగకుండా పోలీసులకు స్థానికులకు చుక్కలు చూపించింది. ఇందుకు సంబంధించిన దృశ్యాలు సామాజిక మాధ్యమాల్లో వైరల్‌‌గా (Viral) మారాయి.
@Chupachehra1989 ఎక్స్ అకౌంట్‌లో ఇందుకు సంబంధించిన వీడియోలు పోస్టు చేశారు. వీధిలో వెళుతున్న ఓ ఎద్దు అకస్మాత్తుగా పోలిస్ స్టేషన్ ఎక్కినట్టు తెలిసింది. ఎద్దు భవనంపై ఉన్న విషయాన్ని తొలుత స్థానికులు గుర్తించి పోలీసులకు సమాచారం అందించారు. భవనంపై తాపీగా పడుకుని నెమరేసుకుంటున్న ఎద్దును చూసి తొలుత పోలీసులు కూడా షాకైపోయారు. దాన్ని ఎలా కిందకు దించాలో తెలీక హైరానా పడ్డారు (Bull climbed on roof of police station in up video goes viral).
Viral: వ్యాపారవేత్తలు నేర్చుకోవాల్సిన పాఠం ఇది.. ఆనంద్ మహీంద్రా పోస్టు వైరల్
తొలుత దాన్ని అదిలించి కిందకు దింపుదామనుకున్నారు. వారు ఆ ప్రయత్నంలో ఉండగా ఎద్దుకు కిందకు దిగినట్టే దిగి మళ్లీ పైకెక్కి కూర్చుంది. కింద పోలీసులు లాఠీలు పట్టుకుని నిలబడం చూసి బెదిరి పైకి ఎక్కింది. విషయం అర్థమై దిద్దుబాటు చర్యలకు దిగిన పోలీసులు ఈసారి మరింత చాకచక్యంగా వ్యవహరించి ఎద్దు కిందకు దిగేలా చేశారు. ఈ ఘటనలో ఎవరికీ ఎటువంటి ప్రమాదం రాకపోవడంతో అంతా ఊపిరి పీల్చుకున్నారు. ఇందుకు సంబంధించిన వీడియో ప్రస్తుతం జనాల్ని తెగ ఆకట్టుకుంటోంది.
