Viral Video: వెరీ ఫన్నీ.. ప్రీ-వెడ్డింగ్ ఫొటో షూట్ ఎంత పని చేసింది.. వీడియో చూస్తే నవ్వాపుకోలేరు..

ABN , Publish Date - Nov 10 , 2024 | 09:21 AM

నూతన వధూవరులు ప్రస్తుతం పెళ్లికి ముందే ప్రీ-వెడ్డింగ్ ఫొటోషూట్ పేరుతో సన్నిహితంగా ఫొటోలు దిగుతున్నారు. ఎన్నో థీమ్స్, స్టైల్స్‌తో నూతన వధూవరులను ఫొటోలు తీసేందుకు ఫొటోగ్రాఫర్లు తమ క్రియేటివిటీకి పదును పెడుతున్నారు. ఆ క్రమంలో కొన్ని ఫన్నీ ఘటనలు కూడా జరుగుతున్నాయి.

Viral Video: వెరీ ఫన్నీ.. ప్రీ-వెడ్డింగ్ ఫొటో షూట్ ఎంత పని చేసింది.. వీడియో చూస్తే నవ్వాపుకోలేరు..

pre-wedding photo shoot gone funny

కాలంతో పాటు వివాహ (Wedding) సాంప్రదాయాలు కూడా మారాయి. గతంలో పెళ్లి వరకు వధూవరులు దూరం దూరంగా ఉండేవారు. మాట్లాడుకోవడానికే సిగ్గుపడేవారు. అయితే ప్రస్తుతం పెళ్లికి ముందే ప్రీ-వెడ్డింగ్ ఫొటోషూట్ (pre-wedding photo shoot) పేరుతో సన్నిహితంగా ఫొటోలు దిగుతున్నారు. ఎన్నో థీమ్స్, స్టైల్స్‌తో నూతన వధూవరులను ఫొటోలు తీసేందుకు ఫొటోగ్రాఫర్లు తమ క్రియేటివిటీకి పదును పెడుతున్నారు. ఆ క్రమంలో కొన్ని ఫన్నీ ఘటనలు (Funny Videos) కూడా జరుగుతున్నాయి. అలాంటి ఎన్నో వీడియోలు ఇప్పటికే సోషల్ మీడియా ద్వారా వైరల్‌గా మారాయి. తాజాగా అలాంటిదే ఓ ఫన్నీ వీడియో నెట్టింట హల్‌చల్ చేస్తోంది (Viral Video).

@prof_desi అనే ట్విటర్ హ్యాండిల్‌లో ఆ వీడియో షేర్ అయింది. వైరల్ అవుతున్న ఆ వీడియో ప్రకారం.. నూతన వధూవరులు ప్రీ-వెడ్డింగ్ ఫొటోషూట్‌లో పాల్గొంటున్నారు. నది ఒడ్డున ఓ పడవలో వారిద్దరినీ నిల్చోబెట్టి రకరకాల యాంగిల్స్‌లో ఫొటోగ్రాఫర్ ఫొటోలు తీశారు. ఒక స్టిల్ కోసం వారిద్దరూ పడవలో ఒకే వెైపునకు వెళ్లి నిల్చున్నారు. దీంతో ఆ పడవ బ్యాలెన్స్ కోల్పోయి ఒరిగిపోయింది. దీంతో వారిద్దరూ పడవ మీద నుంచి నీటిలోకి పడిపోయారు. దీంతో అక్కడున్న వారందరూ నవ్వుకున్నారు. ఆ ఘటనకు సంబంధించిన వీడియోను సోషల్ మీడియాలో పోస్ట్ చేశారు.

ఆ వీడియో సోషల్ మీడియాలో వైరల్‌గా మారింది. ఆ వైరల్ వీడియోకు లక్షల్లో వ్యూస్ వచ్చాయి. 3 వేల మందికి పైగా ఆ వీడియోను లైక్ చేశారు. ఆ వీడియోపై నెటిజన్లు తమ స్పందనలను తెలియజేశారు. ``అలా పడడం కూడా ఫొటో‌షూట్‌లో భాగమే``, ``వారి బరువు ఎక్కువ కావడం వల్ల అలా జరిగింది``, ``వీడియో ట్రాప్‌లో పడిపోయారు``, ``స్కాండల్ పూర్తయింది. ఇంకా షూట్ చేయండి`` అంటూ నెటిజన్లు కామెంట్లు చేశారు.