Viral Video: అది మామూలు గ్రద్ద కాదు.. తనదైన స్టైల్లో బ్యాడ్మింటన్ ఎలా ఆడుతుందో చూడండి..

బ్యాడ్మింటన్ (Badminton) ఆడాలంటే కనీసం ఇద్దరు వ్యక్తులు ఉండాలి. ఇద్దరు వ్యక్తులు నెట్‌కు అవతల, ఇవతల ఉండి రాకెట్‌లతో కాక్‌ను కొడతారనే సంగతి తెలిసిందే. అయితే చిన్న పిల్లలు వీధిలో లేదా స్థానిక పార్కులో ఆడుతున్నప్పుడు నెట్‌ని ఉపయోగించరు. కాకపోతే ఎదురెదురుగా నిలబడి ఆడతారు. అయితే ప్రస్తుతం వైరల్ అవుతున్న ఓ వీడియో చూస్తే షాకవ్వాల్సిందే. ఎందుకంటే ఆ వీడియోలో ఓ పక్షి (Bird) షటిల్ కాక్‌ను అందుకుంటోంది. ఆ వీడియో నెట్టింట హల్‌చల్ చేస్తోంది.

rvcjinsta అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ బాలిక పార్క్‌లో నిలబడి కాక్‌ను రాకెట్‌తో కొట్టింది. ఆ కాక్ నేల మీద పడగానే ఓ గ్రద్ద (Eagle) అక్కడకు వెళ్లి కాళ్లతో కాక్‌ను పట్టుకుని తిరిగి ఆ బాలిక దగ్గరకు విసిరింది. అనంతరం ఓ కుర్రాడు కాక్‌ను కొట్టినపుడు కాక్ గాల్లో ఉండగానే క్యాచ్ పట్టి తిరిగి అతడి దగ్గరకు పంపించింది. ఈ ఘటనను వీడియో తీసి సోషల్ మీడియాలో పోస్ట్ చేశారు. ఆ వీడియో సోషల్ మీడియాలో వైరల్‌గా (Viral Video) మారింది.

ఈ వీడియోకు మిలియన్‌కు పైగా వ్యూస్ వచ్చాయి. దాదాపు 80 వేల మంది ఈ వీడియోను లైక్ చేశారు. ఈ వీడియోపై నెటిజన్లు ప్రశంసలు కురిపించారు. ``ఇది చాలా ప్రత్యేకమైన స్నేహం``, ``ఇండియాలో ఏదైనా సాధ్యమే``, ``గ్రద్దలు ఇలా కూడా చేస్తాయా`` అంటూ నెటిజన్లు కామెంట్లు కురిపించారు.