Viral: క్యాబ్ డ్రైవర్ అన్యాయమైపోయాడుగా.. ఈమె ఇంత దారుణం చేసిందేంటో..

ఇంటర్నెట్ డెస్క్: క్యాబ్ డ్రైవర్లు ప్రయాణికులను ఇక్కట్లపాలు చేసిన ఉదంతాలు తరచూ చూస్తూనే ఉంటాం. డబ్బులు ఎక్కువ తీసుకోవడం, మ్యామ్‌లోని రూట్‌ ఫాలో కాకపోవడం, అనవసర ఇబ్బందికర కామెంట్స్ చేస్తూ కొందరు డ్రైవర్లు ప్రయాణికులు.. ముఖ్యంగా మహిళలను ఇబ్బందులు పెట్టిన ఘటనలు కోకొల్లలు. బాధితులు స్వయంగా సోషల్ మీడియా వేదికగా తమ ఆవేదన వెళ్లగక్కుతుంటారు. అయితే, తాజాగా ఓ ప్రయాణికురాలి వేధింపులు తట్టుకోలేక ఓ క్యాబ్ డ్రైవర్ తన ఆవేదనను నెట్టింట పంచుకున్నాడు (Viral).

Viral: 6 నెలల తరువాత కోమాలోంచి బయటపడ్డ యువకుడికి భారీ షాక్!

క్యాబ్ దిగాక డబ్బులు ఇవ్వకుండా ఓ యువతి వేధింపులకు గురిచేసిందంటూ సదరు డ్రైవర్ నెట్టింట వీడియో పోస్టు చేశాడు. డబ్బుల కోసం అర్థిస్తూ డ్రైవర్ వెంట పడుతున్నా లెక్క చేయకుండా యువతి ముందుకు సాగిపోయింది. పైపెచ్చు..తనను టచ్ చేస్తే తీవ్ర పర్యవసానాల ఉంటాయంటూ డ్రైవర్‌కు వార్నింగ్ ఇచ్చింది. ఇది చూసి దిమ్మెరపోయిన డ్రైవర్.. యువతి తిట్టిపోశాడు. క్యాబ్ బుక్ చేసుకుని గమ్యస్థానానికి చేరుకున్నాక డబ్బులు ఇవ్వకుండా పోతావా అంటూ అగ్గిమీద గుగ్గిలమయ్యాడు. నీలాంటి వాళ్లు భవిష్యత్తులో రోడ్ల మీద భిక్షాటన చేస్తారంటూ శాపనార్థాలు పెట్టాడు. నన్ను టచ్ చేస్తే చేతులు కోసేస్తా అంటూ యువతి వెనక్కు తిరిగి వార్నింగ్ ఇచ్చింది (Girl walks away without paying cab ride fare in a viral Video).

Viral: రీల్స్ కోసం ఈ అత్తాకోడళ్లు ఏం చేశారో చూస్తే..

కాగా, ఇందుకు సంబంధించి మరో క్లిప్ అప్‌లోడ్ చేసిన అతడు యువతి తీరుపై తీవ్ర ఆవేదన వ్యక్తం చేశాడు. ‘‘ఈ మధ్య కాలంలో అనేక మంది క్యాబుల్లో వెళుతున్నారు. కానీ కొందరు మాత్రం డబ్బులు ఎగ్గొట్టేందుకు ప్రయత్నిస్తు్నారు. డ్రైవర్లు ఏమైనా మాట్లాడితే అరెస్టయ్యే అవకాశం ఉంది’’ అని ఆవేదన వ్యక్తం చేశాడు. అయితే, ఘటన ఎక్కడ జరిగిందో, అసలు దీని వెనక నిజానిజాలు ఏంటో మాత్రం తెలియరాలేదు.

ఇక వీడియోపై జనాలు పెద్ద ఎత్తున స్పందించారు. డ్రైవర్‌కు మద్దతుగా నిలిచారు. కొందరు ప్రయాణికుల కారణంగా డ్రైవర్లు ఇక్కట్ల పాలవుతున్నారని వాపోయారు. ఇలాంటి నిందితుల విషయంలో పోలీసులు కఠినంగా వ్యవహరించాలని డిమాండ్ చేశారు. ఇలా రకరకాల కామెంట్స్ మధ్య వీడియో వైరల్‌గా మారింది.

Read Viral and Telugu News