Viral Video: లక్కీ కార్‌కు ఘనంగా వీడ్కోలు.. 1500 మందికి విందు.. రూ.4 లక్షల ఖర్చు.. వీడియో వైరల్..

ABN , Publish Date - Nov 09 , 2024 | 11:59 AM

మొదటి కారు, మొదటి బైక్‌ను చాలా మంది అమ్మడానికి ఇష్టపడారు. అవి కొన్న తర్వాత ఏదైనా కలిసి వస్తే వాటిని కుటుంబ సభ్యులతో సమానంగా చూస్తుంటారు. గుజరాత్‌కు చెందిన ఓ కుటుంబం తాజాగా తమ లక్కీ కార్‌కు ఘనంగా వీడ్కోలు పలికింది. వందల మంది సమక్షంలో గొయ్యి తీసి పూడ్చి పెట్టింది.

Viral Video: లక్కీ కార్‌కు ఘనంగా వీడ్కోలు.. 1500 మందికి విందు.. రూ.4 లక్షల ఖర్చు.. వీడియో వైరల్..

Gujarat family cremated Lucky Car

సాధారణంగా చాలా మంది కొన్నింటిని తమ అదృష్టాలకు (Lucky) చిహ్నంగా భావిస్తుంటారు. అవి పాడైపోయినా, పాతబడినా తమ తోనే ఉంచుకుంటారు. వాటిని సెంటిమెంట్‌గా భావిస్తారు. మొదటి కారు, మొదటి బైక్‌ను చాలా మంది అమ్మడానికి ఇష్టపడారు. అవి కొన్న తర్వాత ఏదైనా కలిసి వస్తే వాటిని కుటుంబ సభ్యులతో సమానంగా చూస్తుంటారు. గుజరాత్‌ (Gujarat)కు చెందిన ఓ కుటుంబం తాజాగా తమ లక్కీ కార్‌కు (Lucky Car)ఘనంగా వీడ్కోలు పలికింది. వందల మంది సమక్షంలో గొయ్యి తీసి పూడ్చి పెట్టింది. ఆ వీడియో సోషల్ మీడియాలో వైరల్‌గా మారింది. ఆ వీడియో చూసిన వారు అవాక్కవుతున్నారు (Viral Video).

వైరల్ అవుతున్న ఆ వీడియోను సూరత్‌కు లాఠీ తాలూకాలోని పదర్శింగ గ్రామంలో చిత్రీకరించారు. ఆ గ్రామానికి చెందిన సంజయ్ సూరత్‌లో కన్‌స్ట్రక్షన్ బిజినెస్ చేస్తుంటాడు. అతడు 12 ఏళ్లుగా వ్యాగన్ ఆర్ కారును ఉపయోగిస్తున్నాడు. అయితే అది పాతబడిపోయింది. తమకు ఎంతో కలిసి వచ్చిన ఆ కారును వేరే వారికి అమ్మడం సంజయ్‌కు ఇష్టం లేదు. దీంతో ఆ కారును తన పొలంలోనే సమాధి చేయాలని నిర్ణయించుకున్నాడు. ఆ కారును పూల దండలతో అలంకరించాడు. తన పొలంలో 15 అడుగుల గొయ్యి తీసి పాతిపెట్టాడు. ఆ కార్యక్రమానికి సాధువులు, పూజారులతో సహా 15 వందల మంది హాజరయ్యారు. రూ.4 లక్షలు ఖర్చుపెట్టి అందరికీ విందు ఏర్పాటు చేశాడు.

వాహనానికి పచ్చని గుడ్డ కప్పి, పూజారుల మంత్రోచ్ఛారణల మధ్య కుటుంబ సభ్యులు పూజలు చేసి, గులాబీ రేకుల వర్షం కురిపించి కారుకు వీడ్కోలు పలికారు. ``ను ఈ కారును 12 ఏళ్ల క్రితం కొన్నాను. ఇది కుటుంబానికి ఐశ్వర్యాన్ని తెచ్చిపెట్టింది. కారు కొన్న తర్వాత వ్యాపారంలో విజయం సాధించడమే కాకుండా మా కుటుంబానికి గౌరవం లభించింది. ఈ వాహనం నాకు, నా కుటుంబానికి గొప్ప ఆస్తి. దాన్ని అమ్మే బదులు నివాళిగా నా పొలంలో పాతిపెట్టాను. ఈ వేడుకకు రూ.4 లక్షలు వెచ్చించాను. మా భవిష్యత్ తరాల వారికి ఈ కారు గురించి తెలిసేలా సమాధి స్థలంలో మొక్కను నాటాతానన``ని సంజయ్ పేర్కొన్నారు.