Viral: ఇదెక్కడి వింతరా దేవుడా! మూడు కాళ్ల కోడి.. షాక్‌లో జనాలు!
ABN , Publish Date - Aug 24 , 2024 | 04:08 PM
మూడు కాళ్ల కోడి ఉదంతం తాజాగా నెట్టింట హల్‌చల్ చేస్తోంది. ఇది ప్రస్తుతం హాట్‌టాపిక్‌గా మారింది. జనాలు నోరెళ్లబెట్టేలా చేస్తోంది.
ఇంటర్నెట్ డెస్క్: నెట్టింట నిత్యం వింత ఘటనల తాలూకు వీడియోలు కాలుపెడుతుంటాయి. అయితే, కొన్ని మాత్రమే జనాల మెప్పు పొందుతాయి. మరికొన్ని విమర్శల పాలవుతూ కూడా ట్రెండింగ్‌లో కొనసాగుతాయి. ఈ కోవకు చెందిన ఓ మూడు కాళ్ల కోడి ఉదంతం ప్రస్తుతం నెట్టింట హల్‌చల్ చేస్తోంది. ఉత్తరప్రదేశ్‌లో వెలుగు చూసిన ఈ కోడి ఉదంతం ప్రస్తుతం హాట్‌టాపిక్‌గా (Viral) మారింది. జనాలు నోరెళ్లబెట్టేలా చేస్తోంది.
బహ్‌రైచ్ నగరంలో ఈ ఘటన వెలుగు చూసింది. ఈ బ్రాయిలర్ కోడికి ఏకంగా మూడు కాళ్లు ఉండటం చూసి జనాలు షాకైపోతున్నారు. నగరంలోని ఓ చికెన్ షాపు యజమాని అఫ్తాబ్‌కు ఈ కోడి తొలిసారి కంటపడింది. అతడు అప్పటికే 10 ఏళ్లుగా చికెన్ షాపు నిర్వర్తిస్తున్నారు. ఇన్నాళ్లల్లో ఒక్కసారి కూడా ఇలాంటి కోడిని తాను చూడలేదని అతడు చెప్పుకొచ్చాడు. ఆ దృశ్యం అసాధారణంగా అనిపించిందని, తను చూస్తున్నది నిజమో కాదో కూడా అర్థం కాలేదని వ్యాఖ్యానించాడు.
Viral: రూ.70 లక్షల క్యాష్‌తో లగ్జరీ షాపులోకి వెళ్లిన మహిళ ఏం చేసిందో చూస్తే..
ఇక మూడు కాళ్ల కోడిని చూసేందుకు జనాలు అఫ్తాబ్ షాపునకు క్యూకడుతున్నారు. కొందరు కోడి ఫొటోలు తీసుకుని షేర్ చేస్తే మరికొందరు దానితో సెల్ఫీలు కూడా దిగారు.
కాగా, ఆ వింత కోడి తన వద్దకు ఎలా వచ్చిందో కూడా అతడు వివరించాడు. తాను హోల్‌సేల్‌గా కోళ్లను కొనుగోలు చేస్తానని, ఆ సమయంలో కోళ్ల బరువు కూడా చెక్ చేస్తానని అన్నాడు. ఈ క్రమంలో ఓ కోడికి ఏకంగా మూడు కాళ్లు ఉండటం చూసి తాను షాకైపోయానని అతడు వివరించాడు. చూస్తున్నది నిజమో కాదో అర్థంకాక రెండు మూడు సార్లు కళ్లునులుముకుని మరీ తెరిపారా చూశానని చెప్పుకొచ్చాడు. కళ్లముందు కోడి ఉన్నా కూడా ఇప్పటికీ నమ్మలేకపోతున్నానని అన్నాడు.
మరోవైపు, స్థానికులు ఈ కోడిని చూసి షాకైపోతున్నారు. ఇలాంటి దాన్ని తామెక్కడా చూడలేదని కామెంట్ చేశారు. మనిషికి ఆరు వేళ్లు, కొన్ని ఆవులకు వీపుపై మరో కాలు ఉండటం చూశాం కానీ ఓ కోడికి ఏకంగా మూడు కాళ్లు ఉండటం మాత్రం అరుదేనని కామెంట్ చేశారు. కొందరు మాత్రం సరదా వ్యాఖ్యలు చేశారు. ఈ కోడితో ఒక లెగ్ పీస్ ఎక్ట్స్రా అన్న మాట అని జోకులు పేల్చారు. ఇలా రకరకాల కామెంట్స్ మధ్య ఈ ఉదంతం నెట్టింట హాట్‌టాపిక్‌గా మారింది.
