Viral: అమెరికన్ పాప్ స్టార్‌ను ‘జై శ్రీరామ్’ అనాలని కోరిన భారతీయ అభిమాని!
ABN , Publish Date - Nov 01 , 2024 | 07:19 AM
అమెరికన్ పాప్ స్టార్‌ను ‘జై శ్రీరామ్’ అని నినదించాలని కోరిన ఓ భారతీయ యువకుడి వీడియో నెట్టింట వైరల్‌గా మారింది. ఘటన ఎప్పుడు జరిగిందీ తెలీకపోయినప్పటికీ ఈ ఉదంతంపై అనేక మంది విమర్శలు ఎక్కుపెట్టారు.
ఇంటర్నెట్ డెస్క్: అమెరికన్ పాప్ స్టార్‌ను ‘జై శ్రీరామ్’ అని నినదించాలని కోరిన ఓ భారతీయ యువకుడి వీడియో నెట్టింట వైరల్‌గా మారింది. ఘటన ఎప్పుడు జరిగిందీ తెలీకపోయినప్పటికీ ఈ ఉదంతంపై అనేక మంది విమర్శలు ఎక్కుపెట్టారు.
వీడియోలో కనిపించిన దాని ప్రకారం, ఆ భారతీయుడు తొలుత పాప్ స్టార్ సెలీనా గోమెజ్‌ను సెల్ఫీ కోసం అభ్యర్థించాడు. సెలీనా కూడా ఓకే చెప్పడమే కాకుండా అతడితో కలిసి ఓ వీడియో కూడా రికార్డు చేసింది (Viral).
Viral: ఏఐ జమానా అంటే ఇదేనేమో! అలెక్సా కమాండ్‌తో దూసుకుపోయిన దీపావళి రాకెట్!
రికార్డింగ్ పూర్తయిన తరువాత సదరు యువకుడు సెలీనాను ‘జై శ్రీరామ్’ అనాలని కోరాడు. దీంతో, సెలీన జై శ్రీ రామ్ అంటే ఏంటి అని ప్రశ్నించింది. ఇది ఇండియాలో పాప్యులర్ స్లోగన్ అని కూడా అన్నాడు. ఆ తరువాత వీడియో ముగిసింది.
కాగా ఈ వీడియోపై నెట్టింట తెగ వైరల్ అవుతుండగా అనేక మంది సదరు యువకుడిపై విమర్శలు ఎక్కుపెట్టారు. భారతీయులకు తలవంపులు తెచ్చాడని కొందరు విమర్శించారు. ఎవరి మతానికైనా మరొకరి ఆమోదం అవసరం లేదన్న విషయాన్ని గుర్తుపెట్టుకోవాలని అన్నారు. నమస్తే అని చెప్పుంటే అయిపోయేది ఇదంతా అవసరమా అని మరొకరు అన్నారు.
Viral: భారీ మిస్టేక్! దీపావళి కోసం ఇల్లు శుభ్రం చేస్తుండగా..
ఇది తాజా వీడియోనా అని కొందరు నెటిజన్లు ప్రశ్నించగా మరికొందరు కాదని సమాధానం ఇచ్చారు. సెలీనా డ్రెస్‌ను బట్టి ఇది గతేడాది కేన్స్ ఫెస్టివల్ నాటి వీడియో అని అన్నారు. ఇలా రకరకాల కామెంట్స్ మధ్య వీడియో వైరల్ అవుతోంది. జనాలు నోరెళ్లబెట్టేలా చేస్తోంది.
