Viral: అమ్మో.. సొర చేపపై స్వారీ.. ఇంతకంటే మూర్ఖత్వం ఏమైనా ఉంటుందా
ABN , Publish Date - Nov 16 , 2024 | 03:30 PM
ఓ వ్యక్తి ఏకంగా సొర చేపపై స్వారీ చేసిన వీడియో ప్రస్తుతం నెట్టింట సంచలనంగా మారింది. వీడియో చూసి ఆశ్చర్యపోతున్న జనాలు ఇంతకన్నా మూర్ఖత్వం ఉంటుందా అంటూ ముక్కన వేలేసుకుంటున్నారు.
ఇంటర్నెట్ డెస్క్: సాహసక్రీడల్లో వాటర్ స్పోర్ట్స్‌కు ప్రత్యేక స్థానం ఉంది. ముఖ్యంగా సముద్రపు అలలపై సర్ఫింగ్, స్కూబా డైవింగ్, స్నార్కెలింగ్, కయాకింగ్ వంటి క్రీడల్లో పాల్గొనేందుకు ఎంతో మంది ఉత్సాహం చూపుతుంటారు. ఈ సందర్భంగా కొందరు ప్రమాదకరమైన స్టంట్స్ కూడా చేస్తుంటారు. ఈ క్రీడలతో శారీరక ఆరోగ్యంతో పాటు మానసికోల్లాసం కూడా కలుగుతుంది. అయితే, ఓ వ్యక్తి ఏకంగా సొర చేపపై స్వారీ చేసిన వీడియో ప్రస్తుతం నెట్టింట సంచలనంగా మారింది. వీడియో చూసి ఆశ్చర్యపోతున్న జనాలు ఇంతకన్నా మూర్ఖత్వం ఉంటుందా అంటూ ముక్కన వేలేసుకుంటున్నారు (Viral).
Viral: బీర్ సీసాలు ముదురు గోధుమ రంగులోనే ఉంటాయ్! ఇలా ఎందుకో తెలుసా?
వీడియోలో కనిపించిన దాని ప్రకారం, బోటులో ఉన్న ఓ వ్యక్తి సమీపానికి వేల్ షార్క్ అనే సొర చేపలు వచ్చాయి. వీటిల్లో ఒకటి బోటు వద్దకు అతి దగ్గరగా వచ్చింది. దీంతో, బోటులోని వ్యక్తి ఊహించని విధంగా షార్క్ వీపుపై ఎక్కాడు. సొర చేప కూడా తనకు ఇదంతా అలవాటైనట్టు అతడు ఎక్కగానే మెల్లగా నీళ్లల్లో ఈదడం మొదలెట్టింది. ఈలోపు బోటులో ఉన్న ఇతరులు అతడిని ఈలలు చప్పట్లతో ప్రోత్సహించారు. పెద్ద ఎత్తున కేకలు చేశారు. అయితే, సొర కొంత దూరం వెళ్లగానే వీడియో ముగిసిపోవడంతో ఆ తరువాత ఏం జరిగిందనేది తెలియరాలేదు.
Viral: అసలైన ప్రేమంటే ఇదీ.. చూపు లేని గర్ల్‌ఫ్రెండ్‌కు ఊహించని సర్‌ప్రైజ్!
@amazingnature అనే ట్విట్టర్ అకౌంట్‌లో వైరల్ అవుతున్న ఈ వీడియో ప్రస్తుతం జనాలను విశేషంగా ఆకట్టుకుంటోంది. ఘటన ఎక్కడ జరిగిందీ తెలియకపోయినా భారీగా వ్యూస్ వచ్చి పడుతున్నాయి. కానీ వీడియో చూసిన వారందరూ ఈ సాహకృత్యానికి నోరెళ్లబెడుతున్నారు. ఇంతకంటే మూర్ఖత్వం మరొకటి ఉండదంటూ కామెంట్స్ చేస్తున్నారు. సొర చేపకు తిక్కరేగితే అతడి ప్రాణాలు గాల్లో కలిసిపోతాయని ఆందోళన వ్యక్తం చేశారు. వ్యూస్ కోసం ప్రాణాలతో చెలగాటమాడే మూర్ఖులు కూడా ఉండటం ఆశ్చర్యకరమని కామెంట్స్ చేశారు. ఇలా రకరకాల కామెంట్స్ మధ్య ఈ వీడియో తెగ వైరల్ అవుతోంది.
కాగా, ఇటీవల బెంగళూరులో ఓ వ్యక్తి మద్యం మైకంలో బాణసంచాపై కూర్చుని ప్రాణాలు పోగొట్టుకున్న విషయం తెలిసిందే. స్నేహితులతో పందెం కాసి అతడీ మూర్ఖత్వానికి పూనుకున్నారు. వారిలో ఒకరు బాణసంచాకు నిప్పుపెట్టగానే అతడు వెళ్లి దానిపై కూర్చున్నాడు. చివరకు అది పేలడంతో తీవ్రగాయాల పాలై ప్రాణాలు పోగొట్టుకున్నాడు.
Viral: టాలెంట్ ఉన్నా లైఫ్‌లో ముందుకెళ్లట్లేదా? కారణాలు ఇవే!
