Viral: మ్యాజిక్ ట్రిక్ చూసి కోతి ఫిదా.. వీడియో చూస్తే షాకవ్వాల్సిందే..
ABN , Publish Date - May 31 , 2024 | 04:22 PM
యువకుడి మ్యాజిక్ ట్రిక్ చూసి జూలోని ఓరాంగూటాన్ ఆశ్చర్యపోయంది. సంబరం తట్టుకోలేక వెల్లకిలా పడింది. ఇందుకు సంబంధించిన వీడియో ప్రస్తుతం నెట్టింట వైరల్ గా మారింది.
ఇంటర్నెట్ డెస్క్: ఇండోనేషియాలో కనిపించే ఓరాంగూటాన్లకు మనిషితో పోల్చదగిన తెలివి తేటలు ఉంటాయని శాస్త్రవేత్తలు అంటుంటారు. బృందాల్లో నివసించే ఈ కోతుల మధ్య సంబంధాలు చాలా సంక్లిష్టంగా ఉంటాయి. జాలి, దయ, సంతోషం వంటి భావోద్వేగాలు వీటికి ఉంటాయి. అంతేకాదు, ఇవి రాళ్లను పనిముట్లలాగా వాడుకుని తమ అవసరాలు తీర్చుకోగలవు. చిన్న చిన్న సమస్యలను అవి లాజిక్ ఉపయోగించి పరిష్కరించగలవు. ఇప్పుడిదంతా ఎందుకంటే.. మనిషి చేసిన మ్యాజిక్ ట్రిక్ చూసి ఓ ఒరాంగూటాన్ ఆశ్చర్యపోయింది. తెగ సంబర పడిపోయింది. ఈ వీడియో ప్రస్తుతం వైరల్ (Viral) అవుతోంది.
Viral: కారులో స్విమ్మింగ్ పూల్.. యూట్యూబర్‌పై కేసు
వీడియోలో కనిపించిన దాని ప్రకారం, ఓ యువకుడు బోనులో ఉన్న ఓరాంగూటాన్ ముందు చిన్న మ్యాజిక్ ట్రిక్ ప్లే చేశాడు. ముందుగా తన వద్ద ఉన్న గ్లాసులో చిన్న పండును పెట్టాడు. దానిపై మూత పెట్టి బాగా ఊపాడు. అతడు చేస్తున్నదంతా ఓరాంగూటాన్ జాగ్రత్తగా గమనించింది. ఈలోపు ఆ యువకుడేమో దాని కన్నుకప్పి గ్లాసులోని పండును తీసి బయటపడేస్తాడు. ఆ తరువాత గ్లాసును జాగ్రత్తగా ఓరాంగూటాన్ ముందుపెట్టి అందులో పండు మాయమైనట్టు చూపిస్తాడు. ఇది చూసిన ఓరాంగూటాన్ చిన్నపిల్లల్లాగా ఆశ్చర్యపోయింది. ఆనందం తట్టుకోలేక వెల్లకిలా పడింది (Orangutans priceless reaction after seeing a magic trick is winning hearts).
వీడియోలో ఇదంతా చూసిన నెటిజన్లు సహజంగానే ఆశ్చర్యపోతున్నారు. ఓరాంగూటాన్లకు ఇన్ని భావోద్వేగాలు ఉంటాయన్న విషయం తమకు తెలియదని అనేక మంది కామెంట్స్ చేశారు. జంతువుల భావోద్వేగాలు చూస్తే ముచ్చటేస్తుందని మరికొందరు అన్నారు. మరికొందరు ఒరాంగూటాన్ల తెలివతేటలు గొప్పవని చెప్పుకొచ్చారు. స్థానిక పరిస్థితులకు అనుగుణంగా అవి సర్దుకుపోగలవని అన్నారు. ఇలా రకరకాల కామెంట్స్ మధ్య వీడియో ప్రస్తుతం తెగ వైరల్ అవుతోంది.
