Viral Video: ఇతడిని చూస్తే భయానికే భయం.. ఇతను ఏ పరిస్థితుల్లో భేల్ పూరీ చేస్తున్నాడో చూస్తే కళ్లు తేలెయ్యాల్సిందే..

ABN , Publish Date - Nov 17 , 2024 | 10:36 AM

రైలులో డోర్ దగ్గర నిల్చోకూడదని, కిటికీల నుంచి చేతులను బయటపెట్టకూడదని.. ఇలా రకరకాల హెచ్చరికలు చేస్తుంటారు. అయితే ప్రస్తుతం వైరల్ అవుతున్న వీడియోలోని వ్యక్తిని చూస్తే ఎలా హెచ్చరించాలో తెలియక కళ్లు తేలెయ్యాల్సిందే. ఆ వ్యక్తి అత్యంత ప్రమాదకర పరిస్థితిలో ఉన్నా కూడా తన వ్యాపారం మీదనే దృష్టి సారించాడు.

Viral Video: ఇతడిని చూస్తే భయానికే భయం.. ఇతను ఏ పరిస్థితుల్లో భేల్ పూరీ చేస్తున్నాడో చూస్తే కళ్లు తేలెయ్యాల్సిందే..

man making Bhel while sitting on the roof of a train

సాధారణంగా రైళ్లలో (Train) ప్రయాణించే సమయంలో చాలా జాగ్రత్తలు తీసుకోవాలని హెచ్చరిస్తుంటారు. రైలులో డోర్ దగ్గర నిల్చోకూడదని, కిటికీల నుంచి చేతులను బయటపెట్టకూడదని.. ఇలా రకరకాల హెచ్చరికలు చేస్తుంటారు. అయితే ప్రస్తుతం వైరల్ అవుతున్న వీడియోలోని వ్యక్తిని చూస్తే ఎలా హెచ్చరించాలో తెలియక కళ్లు తేలెయ్యాల్సిందే. ఆ వ్యక్తి అత్యంత ప్రమాదకర పరిస్థితిలో ఉన్నా కూడా తన వ్యాపారం మీదనే దృష్టి సారించాడు. ఆ వీడియోను బంగ్లాదేశ్‌ (Bangladesh)లో చిత్రీకరించారు. ఆ వీడియో ప్రస్తుతం సోషల్ మీడియాలో బాగా వైరల్ అవుతోంది (Viral Video).

rail_and_road_bangladesh అనే ఇన్‌స్టాగ్రామ్ హ్యాండిల్‌లో ఆ వీడియో షేర్ అయింది. వైరల్ అవుతున్న ఆ వీడియో ప్రకారం రైలు వేగంగా వెళుతోంది. ఆ రైలు టాప్ (Roof of a train) పైన కొందరు వ్యక్తులు, చిన్న పిల్లలు కూర్చున్నారు. అక్కడకు కూడా భేల్ పూరీ (Bhel Puri) అమ్ముకునే వ్యక్తి వెళ్లాడు. రైలు వేగంగా వెళ్లున్నా పట్టించుకోకుండా టాప్ పై కూర్చుని చక్కగా భేల్ పూరీ తయారు చేసి అమ్ముతున్నాడు. చాలా ప్రమాదకర పరిస్థితుల్లో ప్రయాణిస్తున్నప్పటికీ వారెవరూ పెద్దగా భయపడడం లేదు. కొందరు చిన్న పిల్లలు ఆ రైలుపై నిల్చుని మరీ ప్రయాణం చేస్తున్నారు. ఓ వ్యక్తి ఆ ఘటనను వీడియో తీసి సోషల్ మీడియాలో పోస్ట్ చేశాడు.

ఆ వీడియో సోషల్ మీడియాలో వైరల్‌గా మారింది. ఇప్పటివరకు ఈ వీడియోను దాదాపు 5 లక్షల మంది వీక్షించారు. 42 వేల మందికి పైగా ఈ వీడియోను లైక్ చేశారు. ఈ వీడియోపై నెటిజన్లు తమ స్పందనలను తెలియజేశారు. ``ఇది బంగ్లాదేశ్‌లో సర్వ సాధారణం``, ``వ్యాపారం ఎక్కడైనా వ్యాపారమే``, ``ఈ వ్యక్తి కొద్ది కాలం తర్వాత విమానం రెక్కలపై కూర్చుని కూడా వ్యాపారం చేస్తాడు``, ``రెండు రూపాయల కోసం ఇంత రిస్క్ అవసరమా`` అంటూ నెటిజన్లు కామెంట్లు చేశారు.