Viral Video: పాపం.. వధువును మోకాళ్ల లోతు నీటిలో ఎలా తీసుకెళ్తున్నాడో చూడండి.. వీడియో వైరల్..

ABN , Publish Date - Nov 24 , 2024 | 01:15 PM

హఠాత్తుగా వర్షాలు కురిస్తే పెళ్లి వంటి ఫంక్షన్లు చేసుకునే వారు తీవ్ర ఇబ్బందులు ఎదుర్కోక తప్పదు. ముఖ్యంగా గ్రామీణ ప్రాంత వాసులు, లోతట్టు ప్రాంతాల్లో నివసించే వారు ఇలాంటి అకాల వర్షాల వల్ల ఇబ్బందులు ఎదుర్కొంటారు. ప్రస్తుతం అలాంటిదే ఓ వీడియో సోషల్ మీడియాలో వైరల్ అవుతోంది.

Viral Video: పాపం.. వధువును మోకాళ్ల లోతు నీటిలో ఎలా తీసుకెళ్తున్నాడో చూడండి.. వీడియో వైరల్..

bride and groom

వర్షాకాలంలో పెళ్లిళ్లు (Wedding) చాలా తక్కువగానే జరుగుతాయి. అయితే ప్రస్తుతం వాతావరణం ఎప్పుడు, ఎలా ఉంటుందో చెప్పడం కష్టంగా మారింది. చలి కాలంలో కూడా వర్షాలు, తుఫానులు సర్వసాధారణమైపోయాయి. అలా హఠాత్తుగా వర్షాలు (Rain) కురిస్తే పెళ్లి వంటి ఫంక్షన్లు చేసుకునే వారు తీవ్ర ఇబ్బందులు ఎదుర్కోక తప్పదు. ముఖ్యంగా గ్రామీణ ప్రాంత వాసులు, లోతట్టు ప్రాంతాల్లో నివసించే వారు ఇలాంటి అకాల వర్షాల వల్ల ఇబ్బందులు ఎదుర్కొంటారు. ప్రస్తుతం అలాంటిదే ఓ వీడియో సోషల్ మీడియాలో వైరల్ అవుతోంది. sarif_video అనే ఇన్‌స్టాగ్రామ్ హ్యాండిల్‌లో ఆ వీడియో షేర్ అయింది (Viral Video).

వైరల్ అవుతున్న ఆ వీడియో ప్రకారం.. వివాహం తర్వాత వరుడు తన భార్యను తన ఇంటికి తీసుకెళ్తున్నాడు. అయితే ఆ సమయంలో భారీ వర్షం పడడంతో వీధి వీధంతా నీటితో నిండిపోయింది. ఇరుకైన ఆ సందుల్లో బైక్‌లను కూడా తీసుకెళ్లే వీలు లేదు. దీంతో ఆ వరుడు తన భార్యతో కలిసి మోకాలు లోతు నీటిలో నుంచి నడవడం మొదలుపెట్టాడు. వెనుక ఓ వ్యక్తి వారి చెప్పులు పట్టుకుని నడుస్తున్నాడు. ఆ వీధిలోని చాలా మంది ఆ కొత్త జంటను చూస్తూ ఉండిపోయారు. ఈ వీడియోను షేర్ చేసిన వ్యక్తి.. ``తమ పెళ్లి వారికి జీవితాంతం గుర్తుండిపోతుంది`` అని క్యాప్షన్ ఇచ్చారు.

ఈ వైరల్ వీడియోను ఇప్పటివరకు 10 లక్షల మందికి పైగా వీక్షించారు. 1.25 లక్షల కంటే ఎక్కువ మంది ఆ వీడియోను లైక్ చేశారు. ఆ వీడియోపై నెటిజన్లు ఫన్నీ కామెంట్లు చేశారు. ``ఈత కొలను ఇప్పటికే సిద్ధంగా ఉంది``, ``పెళ్లి సందర్భంగా గ్రామం మొత్తాన్ని ఈత కొలనుగా మార్చారు``, ``ఏయ్ బ్రదర్, కనీసం నీ భార్యని అయినా ఎత్తుకుని ఉండాల్సింది``, ``ఏడు సముద్రాలు దాటి అతడితో వెళ్తోంది`` అంటూ నెటిజన్లు కామెంట్లు చేశారు.