Viral Video: ఆహా.. ఈ దొంగోడు ఎంత మంచివాడు.. ఇంట్లో సామాన్లు పట్టుకుపోయినా ఎంతో విలువైన సలహా ఇచ్చాడు!
ABN , Publish Date - Jun 26 , 2024 | 04:02 PM
సాధారణంగా దొంగలు ఇంట్లోకి చొరబడితే మొత్తం అన్నీ దోచుకుని అక్కణ్నుంచి వీలైనంత త్వరగా వెళ్లిపోవాలని అనుకుంటారు. తాము ఎవరి వస్తువుల చోరీ చేశామో వారి మంచి గురించి ఆలోచించరు. అయితే చైనాలో ఓ దొంగ మాత్రం కాస్త విభిన్నంగా ఆలోచించాడు.
సాధారణంగా దొంగలు (Thief) ఇంట్లోకి చొరబడితే మొత్తం అన్నీ దోచుకుని అక్కణ్నుంచి వీలైనంత త్వరగా వెళ్లిపోవాలని అనుకుంటారు. తాము ఎవరి వస్తువుల చోరీ చేశామో వారి మంచి గురించి ఆలోచించరు. అయితే చైనా (China)లో ఓ దొంగ మాత్రం కాస్త విభిన్నంగా ఆలోచించాడు. తను చోరీ చేయడం వల్ల యజమాని ఏమైనా ఇబ్బంది పడతాడేమో అని అనుమానించాడు. అందుకే ఓ చిన్న నోట్ ఇంట్లో పెట్టాడు. అవసరమైతే తనను సంప్రదించమని ఆఫర్ కూడా ఇచ్చాడు. ఈ ఘటన చైనాలో జరిగింది (Viral News).
చైనాలోని షాంగై‌లో నెల రోజుల క్రితం ఓ ఇంట్లోకి దొంగ ప్రవేశించాడు. ఆ ఇంట్లోని ఖరీదైన ల్యాప్‌టాప్, వాచ్ దొంగిలించాడు. అవి తీసుకుని వెళ్లిపోకుండా యజమానికి మంచి సలహా కూడా ఇచ్చాడు. అదేంటో తెలిస్తే నవ్వాపుకోలేరు. ``బాస్.. నేను మీ ఇంట్లో వాచ్, ల్యాప్‌టాప్ తీసుకుంటున్నా. మీరు మీ ఇంటికి మరింత భద్రతను కల్పించండి. యాంటీ-థెప్ట్ సిస్టమ్‌ను మెరుగుపరుచుకోండి. నేను ఇక్కడున్న అన్ని ఫోన్లను, ల్యాప్‌టాప్‌లను తీసుకోవడం లేదు. కేవలం రెండే తీసుకుంటున్నాను. అవి కూడా మీకు కావాలంటే నన్ను సంప్రదించండి`` అని నోట్ రాసి ఆ ఇంట్లో పెట్టాడు.
ఆ నోట్‌పై తన మొబైల్ నెంబర్‌ను కూడా రాశాడు. ఆ ఫోన్ నెంబర్ ఆధారంగా పోలీసులు ఆ దొంగను పట్టుకున్నారు. రైలులో ప్రయాణిస్తుండగా అతడిని అరెస్ట్ చేశారు. అతడు దొంగిలించిన వస్తువులను స్వాధీనం చేసుకున్నారు. ఈ ఘటన సోషల్ మీడియాలో వైరల్‌గా మారింది. ఈ ఘటనపై నెటిజన్లు ఫన్నీ కామెంట్లు చేశారు. ``ఆ దొంగకు చాలా అహంకారం``, ``అతడు దయగల దొంగ`` అంటూ నెటిజన్లు కామెంట్లు చేశారు.
ఇవి కూడా చదవండి..
మరిన్ని ప్రత్యేక వార్తలు కోసం క్లిక్ చేయండి..
