Viral Video: ఆ యువకుడి ట్యాలెంట్‌కు ఆనంద్ మహీంద్రా ఫిదా.. ఆ వీడియో చూస్తే షాక్ అవడం ఖాయం!

ప్రస్తుత పరిస్థితుల్లో కొత్త కొత్త ఆహార పదార్థాలు, డ్రింక్స్ పట్ల అందరూ ఆకర్షితులవుతున్నారు. కేవలం వాటిని తినడం మాత్రమే కాదు.. వాటి తయారీ విధానం, తయారు చేసే వారి ప్రతిభ గురించి కూడా తెలుసుకునేందుకు ఆసక్తి చూపుతున్నారు. ముఖ్యంగా డ్రింక్ మిక్సింగ్ చేసే బార్‌టెండర్ల ట్యాలెంట్‌కు సంబంధించిన వీడియోలు ఇటీవలి కాలంలో సోషల్ మీడియాను ముంచెత్తుతున్నాయి. ప్రముఖ పారిశ్రామిక వేత్త ఆనంద్ మహీంద్రా (Anand Mahindra ) తాజాగా షేర్ చేసిన వీడియో (Viral Video) కూడా చాలా మందిని ఆకట్టుకుంటోంది.

వైరల్ అవుతున్న ఆ వీడియోలోని వ్యక్తి రోడ్డు పక్కన ఓ సాధారణ పాన్ షాప్ నడుపుతున్నాడు. అక్కడ పలు రకాల డ్రింక్‌లు మిక్స్ చేసి వినియోగదారులకు అందిస్తున్నాడు. ముందుగా గాజు గ్లాస్‌లు పలు రకాల ద్రవాలు, పాలు, పౌడర్ వేసి దానిపై ఓ స్టీల్ గ్లాస్ వేసి దానిని అద్భుతంగా మిక్స్ (Mixing Skills) చేశాడు. ఆ క్రమంలో చాలా వేగంగా రకరకాల విన్యాసాలు చేశాడు. ఆ వీడియో చూసి ఆనంద్ మహీంద్రా ఫిదా అయ్యారు. వెంటనే తన ట్విటర్ హ్యాండిల్‌లో ఆ వీడియోను షేర్ చేశారు.

Viral Video: ఫ్రెండ్స్ అలా అరవడంతో నవ్విన వరుడు.. వధువు ఎంత సీరియస్‌గా లుక్ ఇచ్చిందంటే..

``ఈ వ్యక్తి న్యూ ఇయర్ ఈవ్ పార్టీలో బార్ టెండర్ కాదు.. కానీ, ఇతను అక్కడ ఉండవలసిన వాడే. ప్రతిభ చాలా మందిలో ఉంటుంది. టామ్ క్రూజ్‌ను మర్చిపోండి (కాక్‌టెయిల్ సినిమాలో క్రూజ్ గుర్తున్నాడా)`` అంటూ ఆనంద్ కామెంట్ చేశారు. 4.6 లక్షల మంది కంటే ఎక్కువగా ఈ వీడియోను వీక్షించారు. చాలా మంది ఆ వీడియోలోని వ్యక్తిపై ప్రశంసలు కురిపించారు.