USA: షాకింగ్.. గర్ల్‌ఫ్రెండ్ హెయిర్ స్టైల్ నచ్చక కత్తితో పొడిచి హత్య!
ABN , Publish Date - Nov 07 , 2024 | 03:40 PM
అమెరికాలో తాజాగా షాకింగ్ ఉదంతం వెలుగులోకి వచ్చింది. పెన్సిల్వేనియాకు చెందిన ఓ వ్యక్తి తన గ్లర్‌ఫ్రెండ్ హెయిర్ స్టైల్ నచ్చలేదని ఆమెను దారుణంగా కత్తితో పొడిచి హత్య చేశాడు.
ఇంటర్నెట్ డెస్క్: అమెరికాలో తాజాగా షాకింగ్ ఉదంతం వెలుగులోకి వచ్చింది. పెన్సిల్వేనియాకు చెందిన ఓ వ్యక్తి తన గ్లర్‌ఫ్రెండ్ హెయిర్ స్టైల్ నచ్చలేదని ఆమెను దారుణంగా కత్తితో పొడిచి హత్య చేశాడు. ఈ విషయాన్ని మృతురాలి కుమార్తె స్థానిక పోలీసులకు తెలిపింది (Viral). పూర్తి వివరాల్లోకి వెళితే..
Viral: పులితో ఇలాంటి పరాచకం ఎక్కడా చూసుండరు! ఇతడికి ఏదోక రోజు మూడటం పక్కా!
బెంజమిన్ గాల్‌కు (49), తన గర్ల్‌ఫ్రెండ్ కార్మెన్ మార్టినెజ్ సిల్వా (50) తాజా హెయిర్‌కట్ నచ్చలేదు. దీంతో, ఆమెతో ఇటీవల అతడు వాగ్వాదానికి దిగాడు. కత్తితో పోడుస్తానంటూ హెచ్చరించాడు. దీంతో, భయపడిపోయిన ఆమె ఆ రోజు రాత్రి తన కూతురు ఇంట్లో తలదాచుకుంది. మరుసటి రోు తన సోదరుడి ఇంటికి వెళ్లింది. అనంతరం బాయ్‌ఫ్రెండ్‌‌తో తెగదెంపులు చేసుకుంటున్నట్టు అతడికి మరో వ్యక్తితో కబురంపింది. ఈ క్రమంలో కార్మెన్ కోసం వెతకడం ప్రారంభించిన అతడు ఆమె తన సోదరుడి ఇంట్లో ఉన్నట్టు గుర్తించి అక్కడకు వెళ్లాడు.
Viral: సోడా క్యాన్లు అన్నింటికీ ఒకే డిజైన్ ఎందుకుంటుందో తెలుసా?
కార్మెన్ ఇంట్లో లేదని ఆమె సోదరుడు చెప్పడంతో కోపంతో ఊగిపోయిన గాల్ అతడిపై కత్తితో దాడికి దిగాడు. అతడి కేకలు విని అక్కడికొచ్చిన కార్మెన్ గాల్‌ను అడ్డుకోబోయింది. ఈ క్రమంలో అతడు రెచ్చిపోయి ఆమెపై విచక్షణా రహితంగా దాడి చేశాడు. దీంతో, ఆమె అక్కడికక్కడే కుప్పకూలిపోయింది.
దాడి సమాచారం అందడంతో ఘటనా స్థలానికి చేరుకున్న పోలీసులు గాల్ తన చేతిలో రక్తపు మరకలు ఉన్న కత్తితో పాటు కారులో కూర్చుని కనిపించాడు. దీంతో, వారు అతడిని అరెస్టు చేశారు.
కాగా, ఈ ఘటనలో గాల్‌ను అడ్డుకోబోయిన మృతురాలి సోదరుడు, మరో ఇద్దరు కూడా తీవ్ర గాయాల పాలయ్యారు. ఇక కార్మెన్‌ను కోల్పోయినందుకు ఆమె కుటుంబ సభ్యులు కన్నీరుమున్నీరవుతున్నారు. ఈ కష్టకాలంలో తమను ఆదుకునేందుకు, కార్మెన్ అంత్యక్రియల కోసం ఆన్‌లైన్‌లో నిధుల సేకరణ ప్రారంభించారు. తమకు ఆపన్నహస్తం అందించాలని ప్రజలకు విజ్ఞప్తి చేశారు.
Viral: వామ్మో.. కాకుల్లో ఇంతటి పగాప్రతీకారాలా? ఏకంగా 17 ఏళ్ల పాటు..
