Viral: ఇండియాకొచ్చాక నా లైఫ్ పూర్తిగా మారిపోయింది.. అమెరికా మహిళ వీడియో వైరల్

ఇంటర్నెట్ డెస్క్: నేటి జమానాలో ప్రజలు వివిధ దేశాల్లో సెటిలవడం సాధారణమైపోయింది. ఉద్యోగ ఉపాధి అవకాశాలను వెతుక్కుంటూ భారతీయులు ప్రపంచంలోని అనేక దేశాల్లో స్థిరపడ్డారు. ఇక విదేశస్తులు కూడా రకరకాల కారణాలతో భారత్‌లో ఉండేందుకు ఇష్టపడుతున్నారు. ఇలా కొంత కాలంగా భారత్‌లో నివసిస్తున్న ఓ అమెరికా మహిళ తన జీవితం పూర్తిగా మారిపోయిందని చెప్పుకొచ్చింది. ఇందుకు సంబంధించి ఆమె నెట్టింట పంచుకున్న వీడియోకు ఏకంగా 20 లక్షలకు పైగా వ్యూస్ వచ్చాయి (viral).

తన జీవితం ఎలా గుర్తుపట్టలేనంతగా మారిపోయిందీ చెబుతూ ఫిషర్ అనే మహిళ ఇన్‌స్టాలో ఓ వీడియో షేర్ చేసింది. ఆయా మార్పులను పాయింట్ల వారీగా రాసుకొచ్చింది.

• తాను వెజిటేరియన్‌గా మారిపోయానని ఆమె చెప్పింది. శాకాహారంతో ఉన్న ఉపయోగాలు, జంతు హింస నచ్చకపోవడంతో తీరు మార్చుకున్నట్టు తెలిపింది.

• భారతీయ సంప్రదాయక వస్త్రాలనే ప్రస్తుతం ధరిస్తున్నట్టు వివరించింది. ఇక్కడి వేడి వాతావరణానికి లైట్ వెయిట్ కాటన్ దుస్తులు అత్యంత అనుకూలమని వ్యాఖ్యానించింది.

• ఢిల్లీలో ప్రజారవాణా వ్యవస్థ ప్రపంచంలోని అత్యధ్భుత వ్యవస్థల్లో ఒకటని ఫిషర్ ప్రశంసలు కురిపించింది. అదే అమెరికాలో ఇలా ఉండదని, ఎక్కడికి వెళ్లాలన్నా సొంత కారు తప్పనిసరి అని చెప్పుకొచ్చింది.

Viral: విమానం ఎంట్రీ డోర్స్ ఎడమ వైపే ఎందుకుంటాయో తెలుసా?

• భారతీయతకు ప్రతిబింబంగా నిలిచే టీకి తానూ అలవాటు పడిపోయానని చెప్పుకొచ్చింది. పనిలో మునిగిపోయినా అప్పుడప్పుడూ టీ కోసం బ్రేక్ తీసుకుని కాస్తంత సేద తీరుతానని వివరించింది.

• తన పిల్లలను ఢిల్లీలోని ప్రైవేటు స్కూలుకు పంపించగలుగుతున్నాయని ఆమె చెప్పింది. అమెరికాలో నాణ్యతాపరంగా ప్రభుత్వ ప్రైవేటు స్కూళ్ల మధ్య పెద్దగా వ్యత్యాసం లేకపోయినా ప్రైవేటు స్కూళ్ల ఫీజులు ఆకాశాన్నంటుతాయని చెప్పింది. ఇక ప్రైవేటు స్కూళ్లల్లో నాణ్యత అద్భుతమని తెలిపింది.

• ఆహారాన్ని చేతులతో తినడం కూడా అలవాటైపోయిందని పేర్కొంది. మొదట్లో ఇలా తినడం వింతగా అనిపించినా ప్రస్తుతం ఈ విధానాన్నే బాగా ఎంజాయ్ చేస్తున్నట్టు చెప్పింది. చేతులతో తింటే ఆహారం మరింత రుచిగా ఉన్నట్టు కూడా అనిపిస్తోందని తెలిపింది.

Viral: డైవర్స్ తీసుకున్న మహిళ రెండో పెళ్లికి పెట్టిన కండీషన్స్.. జనాలకు షాక్!

• ఢిల్లీలో హిందీ రాని వాళ్లు ఇబ్బంది పడతారని చెప్పిన ఆమె తాను ఇప్పుడు సులభంగా హిందీ మాట్లాడతానని చెప్పుకొచ్చింది. మొదట్లో ఆ భాష నేర్చుకునేందుకు కాస్త కష్టపడ్డా చివరకు విజయం సాధించినందుకు తనకెంతో గర్వంగా అనిపిస్తోందని చెప్పింది.

• అమెరికాలో అంట్లను శుభ్రం చేసేందుకు డిషవాషర్లు, డ్రయ్యర్లు ఇతర సౌకర్యాలు అందుబాటులో ఉంటాయని ఆమె తెలిపింది. సులువుగా వండుకునేందుకు వీలైన ఆహార పదార్రథఆలు కూడా ఉంటాయని తెలిపింది. కానీ ఇండియాకు వచ్చాక ఈ పనులన్నీ సొంతంగా చేసుకోవడం నేర్చుకున్నానని వివరించింది. ఆహారాన్ని అప్పటికప్పుడు ఫ్రెష్‌గా ప్రిపేర్ చేసుకోవడం తనకెంతో నచ్చిందని చెప్పింది.

• ఒకప్పుడు బాత్రూమ్‌లో టాయిలెట్ స్ప్రెయర్ వాడేందుకు ఇబ్బంది పడేదాన్ని కానీ, ఇప్పుడు ఇది లేకుండా ఉండలేనని కూడా ఫిషర్ చెప్పింది.

ఇలా ఆమె అమెరికా, ఇండియా జీవన విధానాల మధ్య తేడాను కళ్లకుకట్టినట్టు వివరించడంతో ఈ వీడియో ప్రస్తుతం తెగ వైరల్ అవుతోంది.

Read Latest and Viral News