Viral Video: ఈమె ముందు గ్రాడ్యుయేట్లు కూడా దిగదుడుపే.. గాజులమ్మే మహిళ ఇంగ్లీష్ ఎలా మాట్లాడుతోందో చూడండి..!
ABN , Publish Date - Nov 12 , 2024 | 01:33 PM
పెద్ద చదువులు చదువుకున్న వారు ఇంగ్లీష్‌లో మాట్లాడాలంటే తడుముకుంటారు. వచ్చీ రానీ ఇంగ్లీష్‌లో మేనేజ్ చేయడానికి ప్రయత్నిస్తారు. అయితే గోవాలో గాజులు, పూసలు అమ్ముకునే ఓ మహిళ చాలా అద్భుతంగా ఇంగ్లీష్ మాట్లాడుతోంది. ఆమె ఇంగ్లీష్ విని చాలా మంది ఆశ్చర్యపోతున్నారు.
డిగ్రీలు, పీజీలు చదువుకున్న వారు కూడా ఇంగ్లీష్‌లో (English) మాట్లాడాలంటే తడుముకుంటారు. వచ్చీ రాని ఇంగ్లీష్‌తో మేనేజ్ చేయడానికి ప్రయత్నిస్తారు. అలాంటిది గోవా (Goa)లో గాజులు, పూసలు అమ్ముకునే ఓ మహిళ (Bangle seller) చాలా అద్భుతంగా ఇంగ్లీష్ మాట్లాడుతోంది. ఎక్కడా తడుముకోకుండా గోవా గురించి ఇంగ్లీష్‌లో వర్ణించి చెబుతోంది. ఆమె ఇంగ్లీష్ విని చాలా మంది ఆశ్చర్యపోతున్నారు. ఆ వీడియో సోషల్ మీడియాలో విపరీతంగా వైరల్ అవుతోంది (Viral Video).
englishspeakingchallenge అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. ఆ వీడియోలో గాజులు అమ్ముకునే ఓ మహిళ ఇసుకలో కూర్చుని ఇంగ్లీష్‌లో మాట్లాడుతోంది. కోవిడ్ అనంతరం గోవా బీచ్‌లో చోటు చేసుకున్న మార్పులను ఆమె స్పష్టంగా ఆంగ్లంలో వివరిస్తోంది. తను ఎప్పటి నుంచి పని చేస్తోంది, అక్కడ ఎలాంటి మార్పులు వచ్చాయో చెబుతోంది. ఎక్కడా తడబడకుండా చక్కగా ఇంగ్లీష్‌లో సమాధానాలు చెబుతోంది. ఆమె ఉచ్ఛారణ కూడా చాలా స్టైలిష్‌గా ఉంది. ఆ వీడియో నెట్టింట హల్‌చల్ చేస్తోంది. ఇది పాత వీడియోనే అయినప్పటికీ మళ్లీ ప్రస్తుతం వైరల్ అవుతోంది.
ఈ వైరల్ వీడియోను ఇప్పటివరకు పాతిక లక్షల మందికి పైగా వీక్షించారు. 3 లక్షల మందికి పైగా ఈ వీడియోను లైక్ చేశారు. ఈ వీడియో చూసిన నెటిజన్లు తమ స్పందనలను తెలియజేశారు. ``ఆమె మా ఇంగ్లీష్ టీచర్ కంటే బాగా ఇంగ్లీష్ మాట్లాడుతోంది``, ``ఆమెను చూస్తుంటే నా ఎడ్యుకేషన్ మీదే నాకు డౌట్ వస్తోంది``, ``ఇంగ్లీష్ ఒక భాష మాత్రమే.. నాలెడ్జ్ కాదు అని ఆమె ప్రూవ్ చేసింది``, ``ఆమె భాష, ఉచ్ఛారణ చాలా మంది కార్పొరేట్ ఉద్యోగుల కంటే ఉన్నతంగా ఉంది`` అని నెటిజన్లు కామెంట్లు చేస్తున్నారు.
ఇవి కూడా చదవండి..
Viral: తల లేకుండా 18 నెలలు బతికిన కోడి.. తన ఓనర్‌కు కోట్లు ఎలా సంపాదించి పెట్టిందంటే..
Viral Video: వీడియో చూస్తే ఒళ్లు జలదరించడం ఖాయం.. ప్లేట్‌లో వడ్డించిన చేప ఎలా నడిచిందో చూడండి..
మరిన్ని ప్రత్యేక వార్తలు కోసం క్లిక్ చేయండి
