Viral Video: విమానం అద్దెకు తీసుకుని డబ్బుల వర్షం కురిపించాడు.. కాబోయే కోడలికి ఊహకందని గిఫ్ట్..

ABN , Publish Date - Dec 28 , 2024 | 05:59 PM

ప్రస్తుతం వైరల్ అవుతున్న వీడియోలో ఓ వ్యక్తి తీరు చూస్తే ఆనందపడాలో, ఆందళనకు గురవ్వాలో తెలియదు. పెళ్లి సందర్భంగా ఆ వ్యక్తి ఎవ్వరూ ఊహించని పని చేసి అందరినీ ఆశ్చర్యంలో ముంచెత్తాడు. ఆ వీడియో ప్రస్తుతం సోషల్ మీడియాలో వైరల్ అవుతోంది. పాకిస్తాన్‌లో ఈ ఘటన జరిగింది.

Viral Video: విమానం అద్దెకు తీసుకుని డబ్బుల వర్షం కురిపించాడు.. కాబోయే కోడలికి ఊహకందని గిఫ్ట్..

Father in law rented a plane and showered money on his daughter-in-law's house

పాకిస్తాన్ (Pakistan) చాలా కాలంగా ఆర్థిక కష్టాలతో కునారిల్లుతోంది. ద్రవ్యోల్బణం కారణంగా సతమతమవుతోంది. అలాంటి క్లిష్ట పరిస్థితుల్లో కూడా ఆ దేశానికి చెందిన కొందరు వ్యక్తులు కళ్లు చెదిరే రీతిల్లో పెళ్లిళ్లు చేసుకుంటున్నారు. పెళ్లి (Wedding) కోసం కోట్లు ఖర్చు పెడుతున్నారు. ప్రస్తుతం వైరల్ అవుతున్న వీడియోలో ఓ వ్యక్తి తీరు చూస్తే ఆనందపడాలో, ఆందళనకు గురవ్వాలో తెలియదు. పెళ్లి సందర్భంగా ఆ వ్యక్తి ఎవ్వరూ ఊహించని పని చేసి అందరినీ ఆశ్చర్యంలో ముంచెత్తాడు. ఆ వీడియో ప్రస్తుతం సోషల్ మీడియాలో వైరల్ అవుతోంది. పాకిస్తాన్‌లో ఈ ఘటన జరిగింది (Viral Video).

పాకిస్థాన్‌లోని సింధ్ ప్రావిన్స్‌లోని హైదరాబాద్ నగరానికి చెందిన వరుడి తండ్రి దుబారా ఖర్చుతో తారస్థాయికి తీసుకెళ్లాడు. తనకు కాబోయే కోడలి ఇంటిపై లక్షల రూపాయల నగదును వర్షంలా కురిపించాడు. అందుకోసం అతడు ఓ జెట్‌ను అద్దెకు తీసుకుని, వధువు ఇంటిపై చక్కర్లు కొట్టించాడు. ఆ సమయంలో ఆ విమానం నుంచి కరెన్సీ నోట్లను కిందకు జారవిడిచాడు. వధువు ఇంట్లోని వారు ఆ కరెన్సీ నోట్ల కోసం పోటీలు పడ్డారు. చాలా మంది ఆ ఘటనను వీడియోలు తీసుకున్నారు. ఆ వీడియో ప్రస్తుతం సోషల్ మీడియాలో చక్కర్లు కొడుతోంది. @amalqa అనే ట్విటర్ హ్యాండిల్‌లో ఆ వీడియో షేర్ అయింది.

ఆ వైరల్ వీడియోను వేల మంది వీక్షించారు. వందల మంది లైక్ చేశారు. ఆ వీడియో చూసిన నెటిజన్లు వరుడి తండ్రి ప్రవర్తనను చాలా మంది నెటిజన్లు తప్పుపట్టారు. ``వరుడి తండ్రి విమానం అద్దెకు తీసుకుని, డబ్బుల వర్షం కురిపించాడు. తండ్రి చేసిన అప్పు తీర్చడానికి ఆ వరుడు జీవితాంతం కష్టపడాలేమో``, ``మీ డబ్బును ఎలా ఖర్చు చేయకూడదు అనేదానికి ఇది ఒక ఉదాహరణ``, ``వరుడిని మరచిపోండి; వధువు ఇరుగుపొరుగు వారు ఈ సమయంలో చాలా సంతోషంగా ఉంటారు`` అంటూ నెటిజన్లు కామెంట్లు చేశారు.