Viral Video: ఇది పిచ్చికి పరాకాష్ట.. వ్యూస్ కోసం అన్ని హద్దులనూ దాటేశాడు.. బ్రెడ్ ఎలా తింటున్నాడో చూడండి..

ABN , Publish Date - Nov 11 , 2024 | 12:37 PM

తాజాగా ఓ ఇన్‌ఫ్లుయెన్సర్ వ్యూస్ కోసం అన్ని హద్దులనూ దాటేశాడు. మాజీ బిగ్ బాస్ కంటెస్టెంట్, సోషల్ మీడియా ఇన్‌ఫ్లుయెన్సర్ అయిన పునీత్ తాజాగా పోస్ట్ చేసిన వీడియో చూస్తే నవ్వాలో, ఏడవాలో అర్థం కాని పరిస్థితి.

Viral Video: ఇది పిచ్చికి పరాకాష్ట.. వ్యూస్ కోసం అన్ని హద్దులనూ దాటేశాడు.. బ్రెడ్ ఎలా తింటున్నాడో చూడండి..

Man eating mud with bread

ప్రస్తుత డిజిటల్ యుగంలో సోషల్ మీడియా రీల్స్‌కు (Reels) ఉన్న క్రేజ్ అంతా ఇంతా కాదు. చాలా మంది వ్యూస్ కోసం ఎంత దూరం వెళ్లడానికైనా సిద్ధపడుతున్నారు. పిచ్చి పిచ్చి పనులు చేసి ఇతరులను ఆకట్టుకునేందుకు ప్రయత్నిస్తున్నారు. అలాంటి ఎన్నో వీడియోలు ఇప్పటికే సోషల్ మీడియాలో వైరల్‌గా మారాయి. అయితే తాజాగా ఓ ఇన్‌ఫ్లుయెన్సర్ వ్యూస్ కోసం అన్ని హద్దులనూ దాటేశాడు. మాజీ బిగ్ బాస్ కంటెస్టెంట్, సోషల్ మీడియా ఇన్‌ఫ్లుయెన్సర్ అయిన పునీత్ తాజాగా పోస్ట్ చేసిన వీడియో చూస్తే నవ్వాలో, ఏడవాలో అర్థం కాని పరిస్థితి (Viral Video).

krishna_01__uk అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియో ప్రకారం.. పునీత్ బురదతో నిండిన రోడ్డు మీద పడుక్కున్నాడు. అతడి చేతిలో బ్రెడ్ (Bread) ప్యాకెట్ ఉంది. అతడు ప్యాకెట్‌లోని బ్రెడ్‌ స్లైస్‌ను బయటకు తీసి బురదతో (Mud) కలుపుకుని తినడం ప్రారంభించాడు. ప్యాకెట్‌లో నుంచి ఒక్కో బ్రెడ్ స్లైస్ తీసి, దానిపై బురద పూసి, తింటున్నాడు. ఈ రోజు క్రీమ్ లేకపోవడంతో ఇలా తింటున్నానని పేర్కొన్నాడు. నిజానికి పునీత్ గతంలో కూడా ఇలాంటి పలు వీడియోలు రూపొందించి సోషల్ మీడియాలో పోస్ట్ చేశాడు. వ్యూస్ కోసం అతడు గతంలో గేదె పేడ పూసుకోవడం, బురదలో దొర్లడం వంటి పనులు చేశాడు.

ప్రస్తుతం ఏకంగా బురదనే తింటున్నాడు. ఈ వీడియో చూసిన జనాలు తలలు పట్టుకుంటున్నారు. ఈ వీడియో సోషల్ మీడియాలో వైరల్‌గా మారింది. ఈ వైరల్ వీడియోను ఇప్పటివరకు దాదాపు 17 లక్షల మంది వీక్షించారు. 28 వేల మందికి పైగా ఈ వీడియోను లైక్ చేశారు. ఈ వీడియోపై నెటిజన్లు తమ స్పందనలను తెలియజేశారు. ``మన సమాజంలో ఇలాంటి వ్యక్తులు కూడా ఉన్నారా``, ``టేస్ట్ ఎలా ఉంది బ్రదర్``, ``ఇలాంటి వాళ్ల వల్లే కొత్త కొత్త వైరస్‌లు పుట్టుకొస్తున్నాయి`` అంటూ నెటిజన్లు కామెంట్లు చేశారు.