Viral Video: కొండచిలువతో అటలాడితే అలాగే ఉంటుంది.. ఆ వ్యక్తి పరిస్థితి ఏం జరిగిందో చూడండి..

ABN , Publish Date - Dec 16 , 2024 | 01:12 PM

తమకు ఆకలి వేసినపుడు లేదా తమ ప్రాణాలకు ప్రమాదం వాటిల్లుతుందని భయం వేసినపుడే క్రూర మృగాలు కూడా దాడికి దిగుతాయి. అలాంటిది కావాలని వాటితో ఆటలాడుకోవాలనుకుంటే మాత్రం ప్రమదాన్ని పిలిచి ఆహ్వాంచడమే అవుతుంది.

Viral Video: కొండచిలువతో అటలాడితే అలాగే ఉంటుంది.. ఆ వ్యక్తి పరిస్థితి ఏం జరిగిందో చూడండి..

Python Bites A Man

వన్య ప్రాణులకు (Wild Animals) ఎంతో దూరంగా ఉంటే అంత మంచిది. సాధారణంగా ఏ జంతువైనా అనవసరంగా ఇతరులకు హాని కలిగించవు. తమకు ఆకలి వేసినపుడు లేదా తమ ప్రాణాలకు ప్రమాదం వాటిల్లుతుందని భయం వేసినపుడే క్రూర మృగాలు కూడా దాడికి దిగుతాయి. అలాంటిది కావాలని వాటితో ఆటలాడుకోవాలనుకుంటే మాత్రం ప్రమదాన్ని పిలిచి ఆహ్వాంచడమే అవుతుంది. సోషల్ మీడియా అందుబాటులోకి వచ్చిన తర్వాత అలాంటి వీడియోలు ఎన్న మన కళ్ల ముందుకు వచ్చాయి. తాజాగా అలాంటిదే మరో వీడియో హల్‌చల్ చేస్తోంది (Viral Video).

@Poonam_1992 అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియో ప్రకారం.. ఓ వ్యక్తి పెద్ద కొండచిలువను (Python) పట్టుకుని ఆటలాడుతున్నాడు. కొండచిలువను పట్టుకుని ముద్దుపెట్టుకోవడానికి ప్రయత్నించాడు. అయితే ఆ సమయంలో కొండచిలువ అతడికి షాకిచ్చింది. అతడికి బలంగా ముద్దుపెట్టింది. తన నోటితో అతడి చెంపను గట్టిగా పట్టేసుకుని బలంగా కొరికింది. ఆ దెబ్బకు కొండచిలువ పళ్లు అతడి బుగ్గలో ఇరుక్కుపోయాయి. అతను ఎంత ప్రయత్నించినా ఆ కొండచిలువను వదిలించుకోలేకపోయాడు. నొప్పితో ఇబ్బంది పడ్డాడు.

ఆ ఘటనను చిత్రీకరించి సోషల్ మీడియాలో షేర్ చేశారు. ఆ వీడియో సోషల్ మీడియాలో వైరల్‌గా మారింది. ఆ వైరల్ వీడియోను ఇప్పటివరకు దాదాపు 17 వేల మంది వీక్షించారు. చాలా మంది ఆ వీడియోను లైక్ చేసి తమ స్పందనలను తెలియజేశారు. ``వన్య ప్రాణులతో సరసాలాడే వారికి ఇదే శిక్ష``, ``పాము ముద్దు పొందిన అతడు ఎంత అదృష్టవంతుడు`` అంటూ నెటిజన్లు కామెంట్లు చేశారు.