Viral: ఎయిర్ హోస్టెస్‌కు ఊహించని సర్‌ప్రైజ్ ఇచ్చిన ప్యాసెంజర్.. చూసి తీరాల్సిన దృశ్యం!
ABN , Publish Date - May 14 , 2024 | 08:08 PM
విమానంలో ఎయిర్ హోస్టెస్ చిత్రాన్ని గీసిచ్చిన ఓ ప్యాసెంజర్ ఆమె ముఖంలో నవ్వులు పూయించారు. ఇందుకు సంబంధించిన వీడియో నెట్టింట వైరల్‌గా మారింది.
ఇంటర్నెట్ డెస్క్: విమానప్రయాణాలు ఎంత సౌకర్యంగా ఉన్నా కొన్ని ఇబ్బందులూ ఎదురవుతుంటాయి. సెక్యూరిటీ, కౌంటర్ల మధ్య క్యూలు, సుదర్ఘ జర్నీలు..వంటివి ఇబ్బందులు కలగజేస్తుంటాయి. ప్రయాణికులతో పాటు సిబ్బందినీ అసహనానికి గురి చేస్తుంటాయి. ఇలాంటి సందర్భాల్లో ఏదైనా సర్‌ప్రైజ్ ఎదురైతే అప్పటివరకూ ఉన్న చికాకు, ఒత్తిడి క్షణాల్లో మాయమైపోతాయి. ఇలాంటి ఓ ఘటన ప్రస్తుతం నెట్టింట వైరల్ (Viral) అవుతోంది. ఓ ప్రయాణికురాలు ఇచ్చిన సర్‌ప్రైజ్‌ను చూసి ఎయిర్‌హోస్టెస్ ముఖంలో నవ్వులు విరిశాయి.
ఇండిగో విమానంలో సుమౌలీ దత్తా అనే ఇల్లస్ట్రేటర్ ఇటీవల ప్రయాణించారు. ఆర్టిస్ట్ అయిన సుమౌలీ విమానంలోనే తన పనికి సంబంధించి ఏవో చిత్రాలు గీశారు. సుమౌలీ టాలెంట్ చూసి ఫిదా అయిన ఓ ఎయిర్ హోస్టెస్ ప్రశంసలు కురిపించారు. ఆమె స్ఫూర్తితో సుమౌలీ ఎయిర్ హోస్టెస్ చిత్రాన్ని ఆమెకు తెలీకుండానే గీశారు.
Viral: మనిషి రక్తానికి రెండు చుక్కల పాము విషం కలపగానే.. షాకింగ్ వీడియో!
ఇలా అపరిచితుల చిత్రాలు వాళ్లకు తెలీకుండా గీయడం తనకు అలవాటేనని సుమౌలీ చెప్పారు. అయితే, వాళ్లకు ఆ చిత్రాలు ఇచ్చే ధైర్యం చేయలేదని మాత్రం అన్నారు.అయితే, ఎయిర్‌హోస్టెస్ ప్రశంసలతో ధైర్యం తెచ్చుకుని ఆమె చిత్రాన్ని గిశానని సుమౌలి చెప్పుకొచ్చారు. ఆ తరువాత ఆ చిత్రాన్ని ఆమెకు ఇవ్వడంతో ఎయిర్‌హోస్టస్ ముఖంలో నవ్వు విరిసిందన్నారు. తన చిత్రం చూసుకుని మురిసిపోయిన ఎయిర్ హోస్టెస్ తనకు చాక్లెట్లు, బిస్కెట్ ప్యాకెట్స్ ఇచ్చిందని కూడా వివరించారు. నెటిజన్లకు ఈ ఉదంతం బాగా నచ్చడంతో ఇది వైరల్‌గా మారింది.
